الأربعاء، 23 يناير 2013

اكتب حتى اراك

ارسطو قاااااال "تكلم حتى اراك "

انا بقا بقوووووووووول " اكتب حتى اراك " :)

الكلام مش ديما بيبين الى جوانا  ..

هو مين فينا مقالش قبل كده كلام مكنش قصده يقوله ومش عارف هو قاله ليه ؟؟

لكن صعب اوى انك تلاقى حد كتب حاجه وهو مش قاصدها ومش بيعنى كل كلمه فيها كمان ..

واحنا بنتكلم فى حاجات كتير اوى بتأثر علينا .. وبما اننا بنتكلم فى كل وقت فمش ديما بيبقى عقلنا حاضر ساعات بيبقى الواحد

بيتكلم عادى ويكتشف فجأه انه كان بيهوهو مثلا D: . وان عقله كان طاير فى حاجه تانيه خالص

انما اى حد وهو بيكتب بيكون العقل هو الى بيطلع .. والمشاعر بتتحرك 

والانسان بيبان بجد .. 

عشان كده انا بقيت بحب اقرا للناس كلها .. 

فى ناس اما بتقرالهم .. بتحس ان الحياه دى حلوه اوى ^_^ وانك عاوز تخرج تطير بره وتصاحب كل الناس وتحضن اى حد يشوفه 
وتتنفس وتجرى وتعيش وتحس انك حى ....

وفى ناس اما تقرالهم تحس ان الكره الارضيه دى عالم كئيب كل الناس فيه ميتوثقش فيهم .. وكلهم بيجرحوا بعض وكلهم مش فاهمين بعض وتلاقى الوحده سيطرت عليك فجأه ...

وفى ناس تقرا كلامهم .. تحس ان حواليك كل حاجه مثيره للاهتمام .. الحياه دى عميقه اوى وكل حاجه ليها تفسير غريب وبيبينولك أد ايه "LIFE IS FULL OF WANDERS " 

وفى ناس اما تقرا كلامهم تحس ان الملل سيطر على عقلك -_- .. وان الحياه دى عباره عن حلقات من الملل والضجر الى قفشت فى بعضها وكونت جنزير كبير من الرتابه والكآآبه والملل والجنزير ده محاوطنا كلنا والى بيموت بيفلت منه ..

وهكذا .....

عشان كده اتعلمت انى بغض النظر عن حالتى او تفكيرى فى الوقت الحاضر .. افصل مشاعرى عن الى انا بقراه وعن الى بقراله 

ده فى الحالات العقلانيه الى زى دلوقتى ^_^

طبعا فى الحالات العاطفيه لما مثلا الواحد يحس بشويه حزن تلاقى فى مغناطيس او جهاز انذار كده بيفرمط كل حاجه بشوفها ويطلع الوحش بس .. والحلو مبيعديش لدماغى ولا لعقلى D: 

وفى احيانا الدنيا بتبقى وردى كده ساعتها بشوف الاتنين .. والاقى نفسى بضحك على الوحش واصدق الحلو 

ححححححححححح .. يلا هيا الحياه ايه غير شويه تدوينات الواحد يعد يكتبها وفى الاخر ميبقاش عارف هو كتبها ليه ^_^ 


هناك تعليقان (2):

  1. حلو حلو حلو و زى الفل
    أعتقد إن عندك حق فى إن الإنسان بيظهر أكتر فى كتاباته .. يظهر فيها ايه الحاجات اللى تهمه و ايه اللى بيفهم فيه و ايه اللى عامل نفسه بيفهم فيه ..
    طبعا مش دايما بيظهر لنا اللى جو الناس بس لو بندور على مراية كويسة نشوفهم خلالها فالكتابة من أحسن المرايات

    جميل أوى الموضوع .. يسلم قلمك ^_^

    ردحذف
  2. رأيك ديما مشجعنى .. ربنا يخليك ^_^

    ردحذف