حاسس بخنقه .. حياتك ملهاش معنى ؟؟ .. دماغك تعباك
تعالى اخدك فى حته واقولك على شويه كلام :) يمكن يلمس حته فيك
كلنا بنمر بالفتره دى .. مش راضيين عن نفسنا , حاسين ان مفيش سبب نفرح عشانه , كل حاجه حوالينا بتدعونا للاكتئاب
الحاله دى ملهاش اى تفسير غير الغفله وعدم الادراك ..
ابسطهااااااالك .. احنا بنتناسى حقايق كتير لو حطناها فى دماغنا مش هنشيل هم حاجه اصلا
أولا :-
فكره عدم الرضا عن النفس دى احنا الى بنصنعها
يعنى كأننا ما بنصدق , وايه يعنى غلطت ؟؟ بوظت كل حاجه ؟ بوظت حياتى يعنى ؟؟
طب وايه يعنى D: ؟ .. مانا لازم اغلط عشان اعرف الصح ..
عاوزاك تعرف حاجه بس مفيش حاجه بتحصل من غير سبب ,ربنا ليه حكمه فى كل شىء
وربنا بيترك الاحداث تسير وتاخدنا وتودينا عشان فى الاخر نوصل لحاجه معينه ..
وبعدين مش ربنا بيقول "كلا ان معى ربى سيهدين" .. اهو يعنى متشلش هم ربنا هيهدى
بس المهم تكون النيه موجوده
ثانيا :-
الكآآبه المنتشره حوالينا ... عارف دى جايه من ايه ؟؟
التفكير الكتير .. الزياده عن اللزوم
الانسان بيعد يفكر فى ظروفه ونفسه ووضعه ويعد يتعمق ويحلل ويفسر
لحد ما بيتحشر جوا نفسه .. بمعنى انه بينسى يعيش الحياه زى ما هى , من كتر انه بيحاول يفسر ويمسك كل حاجه حواليه عشان يظبطها
ده غلط .. دع الخلق للخالق وعيش من غير ما تشيل هم الدنيا فوق كتافك .. وكفايه تفكير فى نفسك وسبها على الله
لالالا دى مكنتش مجرد جمله
"سبها على الله " .. الكون ده كله بتاع ربنا .. وربنا مدى لكل واحد فى الكون ده حته فيه لو سعيت واستنين
الحته دى هتبقى ملكك وهتمنحك السعاده الابديه فى الدنيا والآخره
ثالثا :-
حاول تتجرد وتحرر نفسك من الدنيا
خصص وقت كل اسبوع كده ساعه مثلا
اتوضى فيها وصلِى كتيييير اوى .. شيل كل الى حواليك من دماغك
اتوضى فيها وصلِى كتيييير اوى .. شيل كل الى حواليك من دماغك
سبها على ربنا .. ده هيخلى نظرتك للحياه تبقى انقى واصفى
وخلى نظرتك واسعه كده على المشاكل ما تكبرش المشاكل اوى كده
رابعا :-
اوعى تلوم نفسك على احساس انت حسيته .. احنا ملناش اى ذنب فى احاسيسننا
وربنا مش هيحاسبنا على احاسيسنا .. لكن هيحاسبنا على الطريقه الى بنتعامل بيها مع مشاعرنا دى
ولو قدرت تسيطر على نفسك .. وتكبر عقلك .. وتحب كل حاجه حواليك
هتعرف معنى راحه البال :)
ليست هناك تعليقات:
إرسال تعليق