الأربعاء، 24 أكتوبر 2012

الى الدنيا..

حقيقى بتصعبى عليا..

فاكره انك هتغلبينى بالقسوه ديا !!

موهومه ومنتش عارفه ايه الى جوا فيا

جوايا حلم وعندى نيه

احلى الدنيا الى حواليا ..
اشيل بأديا كل الاسيه

ومشوفش غير النور بعنيا..

لو كنتى فاكره هتغلبينى ..هتضعفينى ولو لثانيه
مش هقولك غير حقيقى ..حقيقى بتصعبى عليا

يا دنيا دنتى عارفانى حباكى مهما عملتى فيا..
بتضلميها عليا شويه 
بس انا هفضل مستنيه
شمس بكره الى لسه جايه
تنور ايامى ولياليا ..:)
الحريه ان تختار القيود التى تتقيد انت بها .!!

هل سبق لك ان شعرت بالحريه الحقيقيه ...

ان تشعر ان ما تريد هو ملكك حقا .. وانك حر فى ان تذهب فقط لتلتقطه من مكانه ليصبح ملكك للابد.

هل سبق لك ان نظرت الى السماء وراقبت حركات الطيور ..

ارأيت الحمامه البيضاء؟؟ .. ام انجذبت اكثر الى العصافير المغرده ؟

ام ... هل التفتت الى البومه ؟؟ ..ذلك الطائر المستقل.. الغامض الذى لا يلتفت الى ما يقال عنه من اشاعات واقاويل

فهو ليس ذلك الطائر الذى تذهب لمحل الدواجن بحثا عن لحمه..

ولا ذلك الطائر الذى يبكى وينوح عندما تغلق عليه قفص صغير ، ولا ايضا ذلك الطائر الذى يغرد لك على نافذتك ليملأ غرفتك بالمرح والسعاده
هو ذلك الكائن الذى يطير فقط من اجل ما يريد ،الى غايته ،يرفض التسول العاطفى بكل صوره

فهو لا ينتظر شفقتك ولا تعاطفك ،فهذا الطائر ملك ذاته فقط

هو فقط يحلق فى الافاق لمن يحب ولما يحب ...
 

الأربعاء، 22 أغسطس 2012

بحلم..

شفت واخدانى الامانى لحد فين ..؟؟

شفت بحلم ..بحلم بحلم أد ايه ؟ :)

نرجع تانى ونتكلم عن التفاؤل .. عن الحياه 
عن كل حاجه حلوه فى الدنيا دى.. ^_^

بعد فتره من اللغبطه والشخبطه على جدار قلبى بكلام ملوش معنى ..ابتديت ارتب افكارى

دلوقتى رؤيتى لمستقبلى اتغيرت 180 درجه .. انا كنت عامله حسابى انى معملش حسابى الى جاى عامل ازاى D:
بس مش قادره ..وصليت استخاره وربنا اختارلى حاجه غير ال كنت عامله حسابى عليها

أنا فى قمه حيرتى .. وفى قمه تفاؤلى 
بس عندى احلام .. احلام مش محدده خالص ..يعنى بحلم انجح اوى اوى اوى

بحلم اعمل كل حاجه فى الدنيا .. اجرب كل الى عاوزه اجربه .. بحلم اكسر الدنيا 

انا لسه صغيره على انى اعرف انا مجالى ايه .. بس ايا كان ايه هو . انا واثقه ان استعانى بالله هيخلينى اعرف انجح فيه

واثبت نفسى .وخلى اى حد قابلنى فى يوم من الايام او اتكلم معايا ..يفرح ويفتخر انه عرفنى

ده -بالنسبالى-مش غرور ولا طمع .. ده مجرد طموح مجرد امنيه 

انا بحلم بكل حاجه حلوه فالدنيا .. نفسى فى اللحظه الى انا بطلع فيها انفاسى الاخيره فى الحياه ابقى شايفه حياتى ..فيلم نهايته سعيده

شايفه المشاهد الصعبه الى فيه وبقول بجد اتغلبت عليها .. عشان فى اللحظه دى مش هيهم انا مريت بأيه أد ما هيبقى المهم انا كان رد فعلى ايه ؟ ..عملت ايه عشان اتغلب على كل الصعوبات؟؟

عملت ايه عشان افتكره فى اللحظه دى وابقى على الاقل بنسبه 1% مطمنه ان ربنا هيرحمنى وينجينى بسببه

عاوزه يوم ما ربنا يرفعنى من على الكوكب ده .. يكون فى فرق ..

شوفت بقا واخدانى الامانى لحد فين؟؟ .. مش عبد الحليم بس الى كانت الامانى بتاخده بعيد
انا كمان أحلامى ملهاش حدود

انا بجد مستنيه  انى افاجئنى =) ..


الأحد، 15 يوليو 2012

لحظه..

اكتب هذه النوت


وانا فى يوم 16/7/2012


يوم الاتنين .. يوم نتيجه الثانويه العامه تنترارارا


انها السابعه والنصف صباحا .. لم انم البارحه xD "حلوه البارحه دى"


وانا ما زلت قاعده متنحه قدام اللاب ..ويتكرر فى نفوخى السؤال اللولبى ذاته


هو ده بيحصل بجد؟؟


يعنى ده حكيكى وانا فعلا بالليل هتيجى نتيجتى المحروسه من على النت..


لحد البارحه كان عندى حاله من اللامبالاه احسد عليها :)....


كل ما تيجى سيره النتيجه الى يحط ايده على بطنه والى يقوم يتشقلط من الخوف والى يعيط والى يصوت


وانا عامله كده :| .. 


بس مش عارفه امبارح اتحطيت فى الجو الزباله بتاع النتيجه ليه ؟!!


يمكن هو فضول اكتر منه خوف وقلق .. عاوزه اعرف انا بجد هجيب كااااام؟؟


نفسى بقى اشوف ولو خرم ابره من مستقبلى 


اعرف اتجاه ليا يا عااااااالم ؟؟ كفايه كلام بقا كفااااايه :@


نفسى اعرف انا مين ..


انا مش لاقيه كلام اكتبه مع ان جوايا حاجات كتير محتاجه تطلع بس ده مش وقتها


دلوقتى لا صوت يعلو فوق صوت القلق المنتشر والى بقا بالعدوى ..:|
انا بس حبيت اسجل هذه اللحظه الفارقه .. واقول انى مش قلقانه زيهم اوى كده
اه قلقانه اكيد..


بس ثقتى فى ربنا وفى اختياره مخليانى مش قلقانه ..
انا بس والله كل امنيتى انى اجيب 98% افرح بيها ابويا ومامتى عشان هما غلبانين اوى والله :(


انا عارفه ان ربنا مش هيخيب ظنى وان شاء الله هجيب اعلى منها كمان :)

الثلاثاء، 19 يونيو 2012

هذيان

شعور من اللاشىء ..


اعتدت على التظاهر :) ...أصبح جزء منى


لا اقدر على فراقه ..كيف افارقه وانا امارسه على الدوام .هذا لا يعنى اننى غير صادقه


انا فقط امارس التحايل على نفسى قبل الاخرين بأن كل شىء على مايرام


استطعت دائما ان اقنع نفسى بما اريدها ان تقتنع به. أن حياتى ليست بالأهميه


التى تجعلنى احزن على شىء فيها ليس بالحزين


فالحزين فى نظرى ..سعيد فى نظر الغير 


وسوف دائما اقتنع بالنظره الأحسن للأمور حتى لو لم تكن تلك النظره ملكى


سوف اتمسك بتلك البصيصه من الأمل التى تذكرنى بأن السعاده الحقيقيه قادمه


فلتسعدى أنك سوف تسعدى يا أنا ..


ربما يوحى اسلوبى بأن تلك الكاتبه حزينه .. ولكن لا ..


انا لست حزينه ..طالما كانت كلمه حزينه أسهل مما ينبغى


أنا فى أقسى المواقف انظر الى الأمل الذى يطل على نافذه قلبى
ليس لأنى شخصيه متفائله .. ولكن لأنى لا استطيع فعل شيئا اخر .. انا لا استطيع تحمل الاكتئاب الذى يمارسه البعض


ليس طبيعيا بالنسبه لى ان ابكى اذا حزنت .. فكونى حزينه أصبح لا يعنى لى شيئا 


دائما ما اتسائل أهذا امر جيد؟؟ 
أهكذا يجب ان اكون؟؟ .. ولكن أنا بالفعل "جبت اخرى" من هذه الأسئله الحمقاء


هذا ما يحدث لى .. لا اجد تفسيرا له لكنه يحدث


ربما يعتقد القارىء اما ان الكاتبه تافهه لدرجه انها تكتب كلام غير مفهوم
او ان ذلك كله مجرد هزيان .. من بنت لم تتجاوز السابعه عشر من العمر وعندها امتحان ثانويه عامه بعد بكره واعده بتكتب كلام مش مفهوم 


او ايا كان ..فتلك الاحتمالات لن تمنعنى من الاستمرار فى الكتابه التى افرغ بها عما بداخلى من الأحاسيس التى لا استطيع فهمها او تجاوزها


ولكنى اعتدت على العيش مع ذلك الأنتظار .. 


وذلك الأحساس الاحمق الذى طالما اقنعنى بأن حياتى سوف تكون على النحو الذى انتظره..


سوف أفهمنى :) .. 

الخميس، 14 يونيو 2012

بينى وبينه

تلك اللحظه 


عندما يحدث فى حياتك مواقف عده..تستتشعر فيها قرب الله منك وكرمه عليك :)

حينئذ تنظر الى السماء والبسه تلمع على شفتيك .. وقلبك بيقول بحبك يارب 
وتشعر كأنك ستحضن السماء .. وتغرق فى عمق زرقتها وتنسى العالم بما فيه وتبقى بعيدا

انت ...وربك <3

عمرك حسيت بكده؟؟ سورى على التحول المفاجىء xD ..بس برجع لطبيعتى بس

اكيد حسيت ولو فموقف واحد ان ربنا معاك كده..شايفك وبيكرمك

من غير ما اطول..المحروسه "أنا" فى خضم xD امتحانات الثانويه العامه :)

انا لا أدعى  انى بذلت المجهود الكافى الى يخلينى اجيب  حتى 97%

بس من قبل امتحان العربى كده ..بجد أعدت ألح اوى على الدعا لربنا بأنى اجيب 98 مش عارفه اشمعنه بس عاجبنى الرقم ده xD حاساه لايق عليا

وفأجه..يشاء العلى القدير "ربى حبيبى " ان الامتحانات تيجى سهله

وبالرغم من ذلك الامتحانات بيبقى فيها حاجات تلغبط وبجد هيا دى المواقف الى بجد وبدون مبالغه بحس ان ربنا بيكرمنى ..بيكرمنى بجد

بتبقى مواقف بحسهها اشبه بالمعجزات زى ان مثلا يبقى فى نص مش عارفه انه حفظ فى العربى

وبالصدفه البحته وانا بكلم صحبتى الساعه 2 بعد منتصف الليل بتوقيت جرينتش xD

وبتقولى برده بهزار ده مش عارفه ايه حفظ :|...

ركزوا معايا تانى ..الساعه 2 بليل والامتحان الصبح وانا مكنتش اعرف ان الدرس ده حفظ وعرفت بالصدفه

 وبعدين  بعدها بيوم تلاقي الدرس ده جه فالامتحان S: ..طب ده مش من عند ربنا؟؟

وبرده فى الامتحان الى بعده والى بعده مواقف كلها مببقاش لقيالها تفسير غير ان  ربنا بيكرمنى 

بيكرمنى وبس ..من غير مااكون عملت حاجه من غير ما اكون استحق من غير حااااجه بجد

منكن دى مواقف متتحسسش الناس التانيه بحاجه او لو حكيتها مش هيستشعروا الى انا حساه

احساس غريب بيسيطر عليا انى عاوزه ازعق واقول للناس كللللها "أنا بححححححبك ياااارب" انا  مستعده امووووووت فى سبيلك انا عاوزه اموت دلوقتى عشان اقابلك واقولك الى جوايا

اقولك انى سمعتك يارب وانت بتقولى "لبيك عبدى" انا حسيت بيك يارب وانت بتقولى انك بتحبنى 
ممكن يبان الكلام ده أوفر؟؟ كلام دروس؟؟ ايا كان

ده احساسى الى انا عارفه كويس انى مش ببالغ فالتعبير عنه :)

وكفايه ان ربنا عارف :)

انا عارفه كويس ان انا مقصره..بس زى منا عمرى مهما غلطت ما بفقد الامل فى نفسى

ربنا كمان :).مبيفقدش الأمل فيا ابدا

ديما شايف الحلو الى فيا :)

وبيخلينى اشوفه ...انا عارفه انى دلوقتى حتى لو غلطتت "بعد الشر يعنى" او حصل اى حاجه

مش هزعل ولا هدايق ..وده بجد

عشان ببساطه  انا واثقه فى ربنا اوى :)

ولو عملت الى عليا وربنا  مدانيش مش هدايق 

لأن ربنا بيحاسبنى على العمل مش على النتيجه..وده كفايه



الأحد، 27 مايو 2012

ابك ما شئت ..مقتبسات

ان السلالم الى الأدوار العليا موجوده دائما


ولكن لا أحد يكلف نفسه بصعود الدرج ..والاغلبيه تعيش وتموت فى البدروم

ولو كلف احد منهم نفسه بالصعود .وتحمل مشقه الصعود وشاهد المنظر من فوق
لبكى ندما على عمر عاشه فى البدروم .بين لذات لا تساوى شيئا ولكنه الضعف الذى ينخر فى الأبدان ..
والبشر تسير من الأضعف الى الأضعف ..والأجيال الجديده اكثر ضعفا واكثر تهافتا على العاجل الزائل من اللذات..
اسأل نفسك من اى رتبه من البشر انت؟؟ هل انت عارف؟؟ واذا كنت عارفا ..فهل انت بمستطيع؟؟
وابك ما شئت من البكاء فلا شىء يستحق ان تبكيه ..لا فقرك ولا فشلك ولا تخلفك ولا مرضك


فكل هذا يمكن تداركه..اما الخطيئه التى تستحق ان تبكيها ..فهى خطيئه البعد عن الهك
وكل احلام الشعراء لن تغنيك شيئا


د/مصطفى محمود
كتاب الاسلام ما هو..

الثلاثاء، 27 مارس 2012

احضن العالم :)

مممممم انت اتولدت؟؟؟

والله عارفه سؤال غبى ..وغالبا الى بيقرا هيتقفل منى ومن المدونه وممن الدنيا وهيخش ينام xD
بس يعنى كنت عاوزه اسمع الاجابه من حضرتك

استحملنى معلش ..انت بتقرا الكلام ده دلوقتى ..ده معناه انك عايش فى الدنيا 

مممم طب ليه؟؟؟ .
انت عايش ليه؟؟ ...السؤال ده بقى بيتكرر فى دماغى ياما جدا

كل يوم الصبح بيجى على دماغى كده ..هو انا صحيت من النوم ليه ؟ انا معتقدش انى ليا لازمه لدرجه ان ربنا ادانى فرصه كمان

انى اعيش ..
بس ده الى حصل ..انا عايشه انا عندى حياه زى ما كل واحد فينا عنده حياه ..بس الفرق ان بغض النظر الحياه دى فيها ايه وصدق او لا تصدق احنا الى بنقرر نكون عايشين حياه حلوه ولا لأ

بس احنا اختارنا ان احنا معندناش غير الظروف xD
واصبحت الظروف هيا الى عايشه حياتنا ..بتتحكم فينا وبتصحينا من النوم وتنيمنا تانى وتقعدنا وتقومنا
كله بناءا على الظروف 
طب واحنا فين؟؟ ارادتنا راحت فين؟؟ 

ربنا ادانا اراده كاااااامله بكل ما فى الكلمه من معنى ..حتى لو فى ناس مقتنعه ان القدر بيحرك حياتهم 
مع ان ده وهم وان هما لو افعالهم متقدره مكنش هيبقى فى حاجه اسمها عقاب وثواب
القدر بيبقى الظروف الحاجات المحيطه بس محدش بيقدرلك تصرفاتك وردود فعلك
دى ملكك وحدددك ...
بس كمان زى ما الدنيا محتاجه مشاكل وصعوبات وحاجات مكلكللعه ومعقده
فيها حاجات بتهون علينا ..موجوده حتى لو مشوفتهاش بس هيا موجوده
يعنى لو بصيت للحاجه بنظره مختلفه والله هتتغير 131341 درجه :) ...طب ازاى؟؟

اقولك مثل بسيط اوى..الصلاه مثلا
كنت مره كده مخنوقه ومدايقه وحاسه بفشل ..وقولت هدخل انام 
وداخله الأوضه ولسه هووووووب هنط وانام ..لقيت الضهر ادن :S 
اصلى مصليش اصلى مصليش
وبعدين لقيت فأجه فكره ربنا اوحالى بيها..ان الأدان ده عامل كأن ربنا بينادى عليا 
-طب ماكلنا عارفين يعنى o.O
-لأ بمعنى تانى ..يعنى عارف مثلا لما يكون فى بيبى صغير بيلعب ويروح واقع على الارض ومعيط 
وتلاقى مامته بتفتحله دراعها من بعيد ومبتسمه كده ..ويقوم هو جارى عليها حاضنها وبيعيط
اهو زى كده وولله المثل الاعلى يعنى
كأن ربنا بيقولى تعالى يا منمن =) ..احكيلى الدنيا عامله معاكى ايه ؟
بزمتك مش حاسس انك عاوز تجرى على ربنا وتعيطله وتشكيله كده =) ...

بس يا سيدى ..
ايوه يعنى برده ايه علاقه ده بالعنوان "احضن العالم" ؟؟
احم اه كنت هنسى Xd ...الى كنت عاوزه اقوله بقا ...كل يوم قبل ما تقوم من على السرير عشان تتوضى وتصلى كده

فكر انك حاكم العالم ده !!!
اه والله بجد ..يعنى حس كده ان الكون ده كله مخلوق عشانك انت ...ربنا حاطك انت فى المكان ده فى الوقت ده
عشان فى حاجه محدش غيرك انت يقدر يعملها 
واحضن العالم ...وحس انه بيتك كده ...حس انك مسئول عن كل حاجه فيه
وعاهد ربنا ..انك هتخليه احلى :)

"اعتذر للأعذار وخليك مع الابرار" 
مساء الفل :)

الخميس، 22 مارس 2012

ونرجع تانى لأول خطوه

هرجع تانى

منا لازم ارجع..انا فاكره اوى طاقتى لما كنت بكتب هنا من قبل كام شهر

كنت مليانه طاقه وحيويه كده ونشاط (نوتالا xD) ....كنت داخله دايسه اوى كأنى عنتره بقا وداخله مفيش حاجه هتقف قدامى

اخرتها ايه يعنى..ده هما كام ماده بس محتاجين يتقفلوا :|
وبعدين دخلت بقا ..
.
.
.
.
.
ايــــــــــــــــــــــــه بس خلاص منا دخلت ...وتقريبا وعلى ما اعتقد لسه محشوره فى المدخل ولا ايه o.O

مش عارفه والله ايه السبب ..بس هو المشكله فى التنفيذ
وبقيت بنفذ بالللظبط الى انا عارفه انى المفروض اتجنبه بكل الطرق..يعنى بقيت بختلق الاعذار xD
وبقيت بعد اكلم نفسى بطريقه سلبيه =)
بقيت بستسلم

ليه بقا ؟؟
هه ليه ؟؟ :@ ليه يا منى ليـــــــــــــــــه؟

احترت اوى بجد مع نفسى مش عارفه اعمل معاها ايه
اعده محتاجه مساعده من حد...طب هو الى هييجى ده هيعمل ايه يعنى هيذاكرلى؟؟
منا اعده ايه الى مانعنى انى اقوم دلوقتى حالا واذاكر ايه الى واقف ما بينى وما بين الكتاب؟؟ ما بين النجاح؟؟

مممم على ما اعتقد وبعد تفكير عميق وتضييع وقت كتير xD
يتهيألى الحاجات الى واقفه فى وشى
-الشيطاااااااااااااااااااااااااااااان اول حاجه
-نفسى xD...
-الكسل
-الاحباط من ضيق الوقت وانى كل ما افكر فى الاسطوره القدييييمه الى بتتوارثها الاجيال وهيا "الى ذاكر ذاكر خلاص" :|

-هذه الجمله التى تقال لكل طالب مصرى ويتهيألى بتتقالنا من شهر 9 الى هو من قبل ما المدرسه تبدا اساسا =))

طب اييييه بقا الحاجات الى ممكن انها تساعدنى انى افكنى منّى ومن الشيطان ومن كل الحاجات الوحشه دى
-انى ربنا معايا لو انا نويت بجد وتوكلت عليه هيوفقنى وهيساعدنى وانا عارفه انه هيمدنى بالعنايه الالهيه

-نفسى بردوك xD...نفسى الى عاوزه ضرب ال**** ساعات بس هيا ساعات بتبقى كويسه والله وبتخلينى ابقى كويسه وتعد تشجعنى
-كل حاججه انا اعرفها عن النجاح ... وكل المحفزات اولها
بابايا ومامتى الى انا بجد نفسى اوى اوى افرحهم
اصلا انا عارفه كويس انى عادى يعنى مش فارقه معايا اوى انى اجيب درجه فظيعه يعنى مش عشان حاجه بس عشان عارفه انى اى كليه هدخلها بأذن الله هعرف اعملى مستقبل فيها اذا ربنا اراد طبعا
انما اهلى ....من حقهم انهم يفرحوا بيا ويفتخروا
ومن حقى انى اشوف فى عنيهم كده نظره بتقول لكل الناس انهم فخورين بيا وانهم فرحانين ان انا بنتهم =)

ومش عاوزه ابدا احس للحظه  ان انا مكنتش استحق الى هما بيعملوه عشانى =(

فى هذه اللحظه =( ..وانا بكتب النوت من غير ما افكر لأنى بكتب كل الى بيججى على دماغى
حاسه بجد انى بحب ربنا اوى =( ...وانى بحمده اوى والله لأن لولا مشيئه ربنا مكنش زمانى قدرت اعرف المعانى دى
مكنش زمانى جددت الأمل فى قلبى مكنش زمانى فكرت للحظه انى ممكن انى الحق فى اللحظه الاخيره

يارب <3 بحلفلك بيك انى بحبك اوى ..انى مش عارفه اشكرك ازاى عشان ادتنى الاب ده والام دى و"الأنا" دى ..مش غرور والله لا قدر الله هو بمزاجى يعنى ولا انا كان ليا فضل فى كده ... انا مخلوقه ربنا ..ربنا نفخ فيا من روحه يعنى انا اقدر اعمل كللللللل حاجه انا عاوزه اعملها فى الكون اذا كنت منفوخ فيا من روح خالق الكون

على الرغم من احتياجى الشديد للأحباط لأنه وسيــله تحفه للهروب من مواجهه نفسى الكسلانه الى مش عاوزه تشتغل ..هقوم وهقف وهشتغل وهعيش

ان مكنش عشانى يبقى عشان احمد ربنا على حاجه بسيطه اوى من نعمه عليا .. وبعدين عشان اهلى الى يستحقوا كل حاجه حلوه فى الدنيا
ادعوووووووولى ...

الخميس، 16 فبراير 2012

حطلها شويه سكر =)

"ربنا سابلك مسئوليه حياتك"
حكمه من كتاب
The Secret
تخيل أن لديك كأس شاي مر
وأضفت إليه سكراً ... ولكنك لم تحرك السكر
فهل ستجد طعم حلاوة السكر؟!!
بالتأكيد لا
أمعن النظر في الكأس لمدة دقيقة
وتذوق الشاي .. هل تغير شي !
هل تذوقت الحلاوة!! أعتقد لا\
ألا تلاحظ أن الشاي بدأ يبرد ويبرد
وأنت لم تذق حلاوته بعد؟
إذن محاولة أخيرة ضع يديك على رأسك
ودر حول كاس الشاي
وادعُ ربك أن يصبح الشاي حلواً
إذن . .. كل ذلك من الجنون
وقد يكون سخفاً
فلن يصبح الشاي حلواً
بل سيكون قد برد ولن تشربه أبداً
وكذلك هي الحياة ... فهي كوب شاي مر
والقدرات التي وهبك الله إياها والخير الكامن
داخل نفسك .. هو السكر
الذي إن لم تحركه بنفسك
فلن تتذوق طعم حلاوته
وإن دعوت الله مكتوف الأيدي
أن يجعل حياتك أفضل فلن تكن أفضل
إلا إن عملت جاهداً بنفسك \
وحركت إبداعاتك بنفسك

لذلك اعمل
لتصـل
لتنجح
تصبح حياتك أفضــل
.

الاثنين، 13 فبراير 2012

"فأينما تولوا فثم وجه الله"


كلام لا ثوصف بكلمه ..للدكتور مصطفى محمود <3

لا يوجد وهم يبدو كأنه حقيقة مثل الحب..

و لا حقيقة نتعامل معها و كأنها الوهم مثل الموت!! فليس هناك أمر مؤكد أكثر من الموت، و مع ذلك لا نفكر أبدا بأننا سنموت، و اذا حدث و فكرنا لا يتجاوز تفكيرنا وهما عابرا عبور النسيم.

و العكس في حالة الحب، فرغم أن الحب دائما أمر يزينه الخيال و يضخمه الوهم و يجسمه التصور و تنفخ فيه الشهوات، و رغم أن الحب يشتعل و ينطفئ و يسخن و يبرد و رغم أن أحواله و تقلباته تشهد بأنه وهم كبير، الا أننا نتعامل معه بالرهبة و التقديس و الاحترام و الخضوع.. و نظل على هذا الخلط و الاختلاط حتى نفيق على الصدمة فنصحو و نستعيد رشدنا لأيام أو شهور أو سنوات و لكن لا نلبث أن نستسلم الى اغماء جديد.

و سبب الخلط و الاختلاط هو دائما خطأ في النسبة.. فنحن دائما ننسب الجمال الذي شاهدناه و الحنان الذي تذوقناه الى صاحبته مع أنها ليست صاحبته و لا مالكته.. و لو امتلكت امرأة جمالها لدام لها.. و لكن الجمال لم يدم لأحد، لأنه منحة و اعارة من الله بأجل و ميقات و هو قرض يسترده في حينه.. فصاحبه و مالكه هو الله و ليس أي امرأة.

و كذلك كل ما نعشق من حنان و مودة و رأفة و حلم و كرم كلها خلع و منح و أوصاف مستعارة من الودود الرؤوف الحليم الكريم.. و هو مالكها بالأصالة.. و نحن نملكها عنه بالقرض و الاعارة.

و لكن العين التي تعشق الجمال تخطئ نسبته و ملكيته فتظنه لصاحبته فتعشق صاحبته و تعبد صاحبته.

و هي تظل في هذا الوهم حتى تفيق على القبح يطل من تحت المساحيق و القسوة تظهر من وراء الأهداب فتصحو على الصدمة و تعاني و تتعذب و تندم و تعتبر و تتوب ثم تعود فتنسى و تنزلق إلى وهم جديد..


و تلك هي الغفلة المستمرة التي نعيش فيها جميعا.. نفيق منها لحظات لنعود فنغرق في سباتها من جديد و لا يسلم من هذا البلاء الا نبي معصوم أو ولي عارف يحفظه ربه و يسدل عليه كنفه.. فلا يرى حيثما تولى الا وجه الله.

(فأينما تولوا فثم وجه الله)

فهو الجمال في كل جميل و هو الرأفة و الحنان و الكرم و الحلم و المودة.. فتلك أسماؤه تتجلى في أواني الطين و الخزف الشفافة التي شفها الاحساس حتى أصبحت مثل الكريستال المضيء تماما كما يرى الفلكي نور القمر فيعرف أنه ليس نوره بل نور الشمس تجلى عن وجهه.

و هكذا لا يرى هذا العارف أينما تولى الا وجه الله.. و هو دائم الهمس الله.. الله.. الله.. الله.. الله.. و هو ناظر دائما الى الظاهر و ليس الى المظاهر.. ناظر الى الله الظاهر دائما في كل شيء.. لا يطرف.. متعلق بالمعاني و ليس بالأواني.

و هو لهذا لا ينقسم و لا يتشتت و لا يضيع في التلفت، و انما هو مجذوب الفؤاد الى الله على الدوام.

و لكن أمثال هذا الرجل قليل نادر مثل الألماس و اليورانيوم و أمثاله لا يتجاوزون

أفرادا و آحادا بين ألوف الملايين من الحشد المغمى عليه

و هي غفلة عامة غالبة لا ينجي فيها علم و لا ثقافة و لا دكتوراه و لا ماجستير، فتلك أبواب غرور تزيد من الغفلة.. فنرى العالم يضع علمه في خدمة هواه، و عقله في خدمة عاطفته، و مواهبه في خدمة شهواته. فتصبح بلواه مضاعفة و صدمته قاصمة للظهر.

و يمضي العمر في سلسلة من الغفلات و الاغماءات مجموعها في الختام صفر، أو هي في الحقيقة حاصل طرح و ليست حاصل جمع. فمجموعها في النهاية بالسالب و ليس بالموجب فحياة صاحبها الى نقصان يوما بعد يوم و سنة بعد سنة.. يخرج من وهم الى وهم و من خدعة الى خدعة.. حاله مثل حال الشارب من ماء مالح، كلما ازداد شربا ازداد عطشا.. لا يحصل على سكينة و لا يبلغ اطمئنانا، و انما هو هابط دوما من قلق الى قلق، و من تمزق الى تمزق، و من تشتت الى تشتت، حتى تنتهي حياته بلا ثمرة، و ينتهي تحصيله بلا جدوى.

و تلك هي العقلية الاستمتاعية السائدة اليوم في عالم وثني، أصنامه اللذة و الغلبة و الهوى.. معبود كل واحد نفسه و كتابه رأيه و دستوره مصلحته.

و الحال في الأمم المتخلفة و النامية أسوأ مما هو في الأمم المتقدمة.. و هي أمم مجموعها أحيانا ((حاصل طرح أفرادها)) و ليس حاصل جمعهم، لأنهم منفرطون منقسمون متباعدون كالجزر التائهة في البحر.. يضرب بعضهم بعضا.. و عزمهم مستهلك.. و قوتهم لا شيء..

يتحدثون عن الوحدة.

و لا وحدة الا بالواحد.

هو وحده الواحد لا اله الا هو. الذي يخرج به كل واحد من شتات نفسه و تخرج به الأمم من تفرقها و يخرج به العالم من انقسامه.

و القضية بالدرجة الأولى قضية ايمان.

هي قضية رؤية..

كيف نرى العالم..؟

و كيف ننظر فيما حولنا..؟

و كيف نحب..؟

هل نستطيع أن نكون ذلك العارف الذي لا يرى في كل شيء الا الواحد.. و لا يبصر الا وجه ربه في كل محبوب.

هل يمكن أن نكون مصداق الآية:

(أينما تولوا فثم وجه الله).

و في هذا الاطار نحب و في هذا الاطار نكره.. فنبذل المروءة و المعروف و المودة للجميع و لا يكون لنا تعلق و لا يكون لنا حب الا الله و بالله و في الله.

ذلك هو الجهاد الصعب.

و لا اختيار..

و لا طريق آخر.

و كل واحد و عزمه.

و كل واحد و همته..

و عبرة كل حياة بختامها.. فلنسارع الى المجاهدة و لنشمر السواعد حتى لا يكون محصول حياتنا صفرا و حتى لا يمضي بنا كل يوم الى نقصان و حتى لا يصبح كل يوم من أيامنا مطروحا من الذي قبله.

انما خلق الله الغواية لامتحان القلوب و ليعرف الكبار أنفسهم و ليعرف الصغار أنفسهم من البداية


د / مصطفى محمود

الأربعاء، 11 يناير 2012

جنتى

الجنه...:-)
اول ما بتيجى فى بالك الكلمه دى.. بتفكر فى ايه؟؟


يعنى ايه مفهوم الجنه بالنسبالك؟؟.. طب عمرك فكرت شكل الجنه هيبقى ازاى


هتبقى انت عامل فيها ازاى؟ شكلك تصرفاتك..


مهما كانت تخيلاتك ومهما وصلت فكلنا عارفين ان الرسول عليه الصلاه والسلام قال
 "إن في الجنة ما لا عين رأت ولا أذن سمعت ولا خطر على قلب بشر" 


فاللى فى الجنه يفوق كل التخيلات وكل الى اى حد ممكن يحلم بيه...طيب ايه رايك لو الى انت بتتخيله ده تحققه فى الدنيا :)

يعنى تعيش جنتك الى انت قررت تصنعها..فتعيش احلى جنه تقدر تتخيلها فى الدنيا
ويستناك الجنه الى انت عمرك ما هتقدر تتخيلها 

ارسم صوره للجنه الى بتحلم بيها...ارسم صوره جنتك 
وكل يوم فكر نفسك بحالتك وانت عايش فى الجنه دى.. واشتغل اعمل كل الى تقدر تعمله عشان توصلها

يعنى مثلا تخيل انا فى الجنه هيكون شكلى كذا وعندى عربيه كذا بشتغل شغلانه كذا الى انا نفسى اشتغلها ..لبسى شكله عامل ازاى وهبقى اقرب لربنا اكيد يبقى هضيف لعباداتى كذا وكذا....وكل حاجه انت بتحلم بيها

تخيل حياتك صوت وصوره تخيل تصرفاتك عاداتك كل حاجه..بس متنساش ان الموضوع مش هيقتصر على تخيلات...مش هنعيش حياتنا كلها نتخيل

لازم نشتغل ونشتغل ونشتغل...أول الموضوع تبدا بحلم 

حلمك بأنك تبقى شخض معين عنده اهداف معينه
الحلم الى يصحى الرغبه الى جواك...الى تخليك تتحرك فى اتجاه محدد
دى اول خطوه..فى ناس بتقتصر على اول خطوه دى والخطوه دى بتبقى حياتها 
يعنى يعيشوا حياتهم يتخيلوا هما كان نفسهم فأيه والموضوع يخلص على كده..بيحسوا بمتعه حلوه اوى وهما بيتخيلوا الحاجات الى نفسهم فيها

بس مش بيشتغلوا بجد عشان يوصلولها..مش متخلين السعاده الى هيوصلولها اما يوصلوا لحلمهم
اذا كان مجرد التفكير فى الحلم وتخيلنا باننا مالكينه بيحسسنا بسعاده..اومال لو وصلناله بقا :o 
الحياه دى قرار..مش كلنا مستوعبين ده..بعضنا بيعيش وفاكر انه متقررله حياته هتبقى عامله ازاى
بيسميها تحت مبدا ان ده قدر مثلا

بس طيب مهو احنا الى بنصنع قدرنا.. 

قرر انت عايز تبقى مين..وتحمل مسئوليه قرارك.. :-)

--->متنسونيش بالدعاء D:

الاثنين، 9 يناير 2012

بشويه رغبه وعزيمه ..تعبنا هيبقاله قيمه

بقالى ياما اوى مكتبتش فى المدونه :-)

ولأنى بكتب ومش بهتم مين الى بيبص ;) 
انهارده عاوزه اتكلم عن العزيمه ... والاصرار

انا يمكن فأيام ببقى اقل واحده فى موضوع العزيمه ده... 
فى طريقه جديده جرتها وبجد نفعت...فالأيام الى انا مليانه فيها طاقه وحاسه بحب كده ونفسى اذاكر بجد واوصل لكل حاجه ومليانه طاقه ايجابيه... بكتب رسايل لنفسى.. بكتب كل حاجه حلوه انا حاسه بيها بكتب مخاوفى..والحاجات الى مطمنانى

بحتفظ بالحاجات دى...وفى الايام الى انا حاسه فيها بيأس وانى مش هنجح والكلام الفاضى الى الشيطان بيساعدنى عليه ده
بقرا الرسايل دى... وبكتب برده اللى انا حاسه بيه.. بس مش بحتفظ بيه من ناحيه ابقى طلعت كل المشاعر الى جوايا ومن ناحسه تانيه ابقى كأنى اتخلصت من المشاعر دى.... ساعات ببقى حاسه بيأس اوى لدرجه انى لما اقرا الرسايل الايجابيه دى الى انا كاتباها بأيدى
اقول ياااااااه كنت هبله اوى =)) 
اهو ساعتها بقااااااا ببقى محتاجه الرغبه والعزيمه... وانى اقوى على نفسى ومستناش اى حد تانى يقوينى 

وعلى فكره فى الايام الضلمه دى الى بنبقى حاسين فيها اننا كنا هبل وبنحلم احلام مش من حقنا.. عقلنا بيركز ديما على الحاجات الى بتدعم فكرنا.. يعنى لما بنفكر فى النجاح عقلنا بيسترجع كل حاجه عن النجاح.. وبرده اما بنفكر فى الفشل واننا فاشلين عقلنا بيدعم الفكره دى...ومن ناحيه الحاجات الى  تحسسنا بالفشل فهما ميتعدوش.. بس ديما بيبقى فى حاجه جواانا بتقولنا لأأأ احنا نقدر
اهو فى الايام دى بقا وفى اللحظات الرخمه دى احنا لازم ندور على الحاجه دى... على الجزا الى فينا الى بيقولنا احنا متخلقناش عشان 
نبقى فاشلين ويائسين ومليانين طاقه سلبيه 

الموضوع مش محتاج اكتر من رغبه وعزيمه وشويه اراده يخلونا نقدر على نفسنا ونقوى على الاحباطات الى حوالينا 

"ومن يتهيب صعود الجبال يعش ابد الدهر بين الحفر"