ومن منا لم تتمناه ....
هذا الرجل اللولبى البطل الخارق المجنون العاشق الولهان المغرور الطفل ....
لم اقابله بعد .. او قابلته انا لا ادرى حقا ..
فأنا لا استطيع الحكم لم اجرب طعم الحب من قبل .. واشعر انى صغيره على هذه الكلمه ...
واتسائل .. كيف تتأكد البنت انها وقعت فى حب رجل ما !!
اعترف انى انجذب لأحدهم .. ولكن لم اسمح لنفسى ان انطق كلمه "الحب"
ودائما ما اكرر لنفسى "انها المراهقه " "انها الحاجه لوجود رجل فى حياتك " ..
وعشان "الممنوع مرغوب" وعشان احنا كشباب مراهقين بنحب المغامرات
وفكره انك تكونى بتحبى واحد وبتتخانقى معاه وبتخبى عالناس وكده دى تعتبر مغامره لذيذه
ساعات كنت بتخيل .. لو حبيت حد ..
اعتقد انى هقول لكل الناس D: .. وهتكلم عنه عادى
بس ده طبعا فى حاله انه يكون بيشاركنى هذا الشعور المتخلف
وكنا هنبقى متفقين اننا هنراعى ربنا وهنراعى اهلنا ومش هنتكلم مع بعض خالص ..
واول اما اخلص ثانويه عامه ييجى يتقدملى :$ :$
لولولولولولولولى واعد اظغرط من الفرحه بقا D: .. واول مره نعد فيها مع بعض ونحس انه ربنا كافىء تقوانا وصبرنا
هتبقى فرحه حلوه اوى ...
بس اصحى عالواقع المرير ان ده مجرد تخيل ..
وعلى الجانب الاخر انا لسه مشفتش العالم ومعرفش هو عامل ازاى .. انا طول عمرى محبوسه هنا
انا عاوزه اما احب مكنش محتاجه حاجه من الى بحبه قبل ما احبه ..
الحب لازم يكون حاجه تكمل حاجه جوانا مش هتتملى الا بيه
لكنه ما بيملاش حاجه تانيه..
ابسطهاااااالك : يعنى انا ممكن اكون محتاجه حنان مثلا .. واما اشوف حد حنين افتكر انى بحبه
وفى الحقيقه انا حبيت حنيته وأول ما تكمل حته الحنيه دى عندى هلاقى ان مكان الحب لسه فاضى ؟؟
عشان كده انا لازم اكمل نفسى وفى الاخر خااااالص بقا هلاقى الى يكمل الحته الفاضيه دى :$
ليست هناك تعليقات:
إرسال تعليق