الاثنين، 13 مايو 2013

مازلتى ومازلت ومازال الحب بيننا

ومازالك ..

ومازالك يا حلوتى تربكينى بنظرة من عينيكى تقع على قلبى بدون حواجز

ومازالك ترعشى بدنى بمرورك من أمامى وكأنك ريح جليديه جاءتنى فى شهر اغسطس

ومازال عطرك يغرينى بأن اضمك الى صدرى حتى تختفى بين ضلوعى

ومازلتى ومازلت ومازال حبنا

ومازالت الكلمات لا تنطق بيننا

ومازالت عينانا تقول كل شىء

ومازالت الوعود ليس لها مكان وسطنا

وعلام الوعود ..

طالما اننا فى هذه اللحظه انا وانتى وما بيننا

لطالما كانت كلمة "احبك" لا تصف ما بداخلى ..

ولطالما كانت كلمة "احبك" تكفينى منكِ

لا مكان للوعود بيننا ولكن حبنا يعدنا بأنه سيبقى هنا وستبقى عيناكى تربك دقات قلبى المسكينه

وسيبقى عطرك يرعش ضلوعى التى لا حول لها ولا قوه

وستبقى انتى حبيبتى ذائبة بين البطينين

احبك ..وهذا ليس بوعد ..

اعتذر لكل صانعى الادب عن هذا الككم من اللغط ولكنها مشاعر لا استطيع كبح جماحها D:

"سبها على الله ومتفكرش كتير " 

المنطق والمشاعر دونت ميكس :)

المشاعر مش منطقيه على الاطلاق ..

اقول هذا الكلام عن تجارب صادقه .. قد تعودت الصدق مع نفسى وهذه نعمه احمد الله علىيها ..

فالكذب على النفس اسوأ سجن ممكن ان الانسان يسجن بيه نفسه ..

زمان كنت بحاول اطوَع مشاعرى .. بمعنى انى احاول احب حاجه واكره حاجه واحب حد واكره حد ..
كل ده لأنى شايفه انه ده الصح وان المنطقى ان ده يحصل

بس وصلت لنتيجه ان القلب له اسبابه الى ساعات العقل بينساها .. عشان كده ربنا لما نصحنا اننا نسامح مقلناش انسوا او حبوا
قالنا اعفوا واصفحوا يعنى خلاص سيب الموضوع يروح لحاله .. وبرده ربنا لما امرنا اننا نصلى او نتحجب مأمرناش نحب الحاجات دى ده حتى ربنا مأمرناش اننا نحبه سبحانه وتعالى

لكن فى الدنيا ..اكبر تحدى انك تحط مشاعرك على جنب وتعمل الصحححححححححححححح D:

مش كل مره فى الحياه هتلاقى الى انت بتحبه هو المفروض تعمله .. مهو لو كنت بتحبه مكنش هيبقى مفروض عليك o.O

اوعى تلوم نفسك على احساس انت حسيته .. او على حبك لحد او كرهك لحد

زى ما قولتلك القلب عنده اسبابه الى مش ديما هتعرف تصيغها بالكلمات

سيبها على الله ومتفكرش كتير