SO U THINK U CAN CHANGE :D

ايـــــــــــــــــــــه دنيا :)

الواحد ساعات كده بيحس انه عايش حياته علشان الانتحار حرام

انا كنت بقول الكلمه دى كتير على فكره

بس ده بقا علشان احنا مش مقدرين قيمه نفسنا حضرتك :@


يعنى احنا حتى مش عارفين احنا ربنا حط فينا ايه؟؟


طب انت عارف ان مخ سيتك ممكن يولد طاقه كهربيه تنور مديـــــــــــــــنه لمده اسبوع :O


انا اول ما سمعت المعلومه دى


كان رد فعلى
-عه؟؟؟ مين؟؟؟ لالالالا النمره غلط حضرتك....مخ مين اللى بيول...ياراجل امشى من هنا بلا كلام فارغ D:




بس من قريب..قريت فى الموضوع ده..ولقيته موضوع شيق جدا


ولقيته بقا بيقولك اييييييه


ان فى <ديترويت> فى الولايات المتحده..تمت تجربه اول سياااااااااااره تسير بالطاقه الكهرومغناطيسيه للمخ وحده


=)) ياااااااااااااه دول العلماء دول دمهم خفيف بطريقه ديما يحبوا يضحكوا معانا كده D:


بس ده بقا معلش يعنى مش بغلط فى حضرتك...بس ده بجد


اييييييييون مخ سعتك...ممكن يولد طاقه تحرك عربيه

• يذكر ان هناك سبع شكرات "هالات" حول جسم الانسان, هل هذا حقيقى؟

فعلا,  الهاله عبارة عن فكرة تتحول الى احساس يصدر من " منطقة الطاقة" المعنية و لها نوع معين من الاشعاع يخصها ثم تظهر حول جسم الشخص, يبدا من  عند المنطقة الجزرية هى الهاله  الاقرب لجسم الانسان و يكون لونه احمر ثم البرتقالى ثم الاصفر ثم الاخضر ثم الازرق الفاتح و الغامق ثم البنفسجى و كلما اصبح الشخص متدين او روحانى تصبح هالته الروحانية  بيضاء او ذهبى.

• لكننا لم نراها ابدا؟

المدربون على رؤيتها يرونها طول الوقت دون عناء, كما أن  كل الناس عندها القدرة على رؤية الهالة فهناك بعض التدريبات من خلالها يستطيع الانسان رؤية الهالات. لكن لابد و ان يتوقفوا عن الشك و يفكروا بشكل منطقى. فهناك مئات الالاف فى العالم تدربوا فعليا على رؤيتها. و ان شاء الله فى خلال عدة سنوات سوف تنتشر بين الملاين. لكنى اود ان اقول لمن يذهبون ليتدربوا على رؤية الهالة انك لن ترها اذا كان لديك غرض غير الارتقاء بنفسك.

• بعض الناس يشكون فى ذلك؟

يرد ضاحكا, أعلم و استطيع ان اثبت علميا على وجود الهالات., اذا شعر الانسان بالغضب فلون وجهه يصبح احمر و هذا بسبب الاشعاع و الى لا نرها لانها ستكون تحت الجلد. كما ان هناك كاميرات خاصة لتصوير الهالات و سوف ترها بعينك المجردة.

ده يا سيدى حوار مع د/ابراهيم الفقى


شوفت بقا يا سيدى..الحياه دى طلعت مليانه حاجات غريبه اوى


ولو فكرنا فيها هنلاقها مليانه حاجات غريبه ومذهله مستنيانا نكتشفها


قال واحنا عاوزين نموت ومنستمتعش بيها


وكمان بنقول "انا مش عارف اتغير" احم سورى يا تامر والله ما قصدى حاجه D:


بس مين ده اللى ميقدرش يتغير..


ده اذا كنت قادر انك تغير كل حاجه من حواليك
تبقى مش هتقدر تتغير ازاى يعنى??


هاه بقا...لسه هتقول انا مش قادر ..ومش عارف ..وتعبت...وانا مستحقش :@ :@

مفيش حاجه اسمها مقدرش دى...الكلمه دى عيــــــــــــــــــــــب


عيب على اى انسان وبالذات يعنى لو كان مسلم


فغير خلفيه الموبايل الكئيبه دى
وصوره بروفايل الفيس بوك المحبطه دى :@


ونغمه الموبايل بتاعت اغنيه "انا مش عارف اتغير" دى
وخليها حاجات تدفع كل اللى يشوفها للاحسن


العمر ما فيهوش وقت نعد نقول فيه احنا فاشلين ومش هنقدر نعمل حاجه


ربنا لو كان شايف انك ملكش لازمه
كان زمانك تحت التراب حضرتك D :
سورى انفعلت شويتين..بس اصلى بزعق لنفسى يعنى D:


ده اذا كان كلمه IMPOSSIBLE  لو ركزت فيها هتلاقيها I'M POSSIBLE  

YUP I CAN :D

ربى اوزعنى ان اشكر نعمتك التى انعمت على وعلى والدى وان اعمل صالحا ترضاه

واصلح لى فى ذريتى انى تبت اليك وانى من المسلمين

ااااااااااااااامين

الحد الصح فى المكان الغلط

كنت ساعات بحس انى محبوسه جوه المكان اللى انا فيه

كنت بجد بتخنق اما بلاقى نفسى مش عارفه اعيش حياتى زى منا عاوزه
يعنى مثلا مش عارفه اخد القورصات اللى انا عاوزاها


مش عاوزه اعمل حاجات خيريه زى منا عاوزه


مش قادره..بحاول بس مش قادره..الامكانيات محدوده

المكان صغير..عيوووووب بقا كتير


وبعدين حاولت ابص للموضوع من زاويه تانيه
يعنى ربنا قدر كان يخلينى فى مكان تانى..فيه امكانيات اكتر


وكان عارف انى هيبقى فى دماغى افكار كويسه كتير..
طيب يبقى ليه خلانى هنا؟؟




اكيد عشان انا مطلوب منى حاجه هنا


المكان ده محتاجنى فى حاجه
انا لسه لحد دلوقتى معرفتش ايه هيا بالظبط الحاجه دى


بس انا مكنتش متوقعه ان الحاجات الى عاوزه اعملها تتعمل بسهوله


يبقى مش المفروض انى اتدايق اما الاقى حاجه مش مساعدانى 


فعشان كده انا هعمل كل اللى عاوزه اعمله مش هفكر بقا انا مين معايا ومين مش معايا


يعنى كنت قبل كده بفكر..انا اخد معايا مين وانا رايحه فى حياتى ونا بعمل حاجه معينه


بس دلوقتى مش هضيع وقت بفكر انا هاخد مين


انا هبتدى انا ولو حد عاوز يشاركنى هرحب جدا


بس المشكله انى ساعات بيجيلى احباط من اللى بشوفه
بس برجع افكر نفسى ان انا مش هضيع حياتى محبطه..طالما انا عارفه كويس ان ربنا بيسبب الاسباب


يبقى انا عارفه ان اى حاجه وحشه بتحصلى دى بتحصلى عشان حاجه معينه يمكن انا مفهمهاش


مش هستنى تشجيع من حد..مش هستنى مشاركه من حد
هنطلق لوحدى ولو حد عاوز يساعدنى وييجى معايا اهلا وسهلا 


وطول ما هدفى قدامى..وحب ربنا فى قلبى يبقى انا هعوز ايه من الناس؟؟؟


بس انا كنت وهفضل طول حياتى محتاجه ان ربنا يفضل معايا ويرضى عنى

يارب خليك معايا فى طريقى..وخلينى على طريقك انت بس..ومتخلنيش احتاج لحد


عشان كل ما احتاج لحد مش بلاقيه..بس انا عارفه انك موجود على طول


يارب خلينى سبب فى ان يحصل تغيير فى العالم ده للاحسن