احترم نفسك xD

حاجه غريبه اوى ازاى المواقف والعالم الخارجى بيأثر علينا وعلى مشاعرنا 

واحيانا قرارتنا

وازاى كل حاجه بنعد ناكدها لنفسنا ونقول اننا هنعملها مع اول مشكله واول اختبار بيبان كل الكلام سخيف وملوش قيمه

انا فى عززززز المواقف دى بقا xD

اول مره احس يعنى ايه مقاومه بينى وبين شيطانى 

انا بحاول ديما ..انى اأكد لنفسى حاجات عشان اجدد طاقتى يعنى وكده

ففى ايام كده اما ببتدى كويسه ..قبل ما انزل من بيتى بعد اقول انى هحاول اعمل كذا كذا كذا

ومش هخلى اى حاجه تقفلى يومى عشان مفيش وقت فى حياتى اضيعه فى تكشيره ومفيش حاجه تستاهل وكلام من ده كتير

بس ييجى فجاه موقف ..وتحس انك فى فيلم والدنيا ضلمت فجاه وبقت منوره عليك انت بس وانك بتواجه موقف وحش

ايا كان بقا الموقف..فى حالتى انا مثلا انى احس بالفشل وده بحس بيه بسرعه مع الاسف ..ان مثلا مدرس يفهم اى حاجه غلط ويزعقلى او يدينى كلمتين

فى اللحظه دى بسرعه بعد افتكر الكلام اللى لسه قايلاه لنفسى قبل ما انزل بس بلاقى صوت الصدمه او الاحباط بيقولى اسكتى

انتى بتضحكى على نفسك...بس لأنى الحمد لله ابتديت اعرف اتحكم فى نفسى.. بقول لنفسى فى اللحظه دى

لأااااااااااا :@ انا مش هكون الانسانه المحبطه اليائسه الى فى موقف او مشكله خلوها تخسر هدفها او حتى تضيع نص فرصه انها تحققه

وبعد معاندات وخناقات طويله بينى وبين الصوت الداخلى الى ديما بيقولى انتى مش مقدرلك انك تحققى هدفك انتى اصلا غبيه وفاشله

وعمرك ما هتكونى البنت الدحيحه الى جابت مجموع محدش عرف يجيبه

قلت لمنى( انا xD ) احترمى نفسك :@ :@

مش احترمى نفسك بمعناها التقليدى بس بالمعنى الحرفى للكلمه

متستهزئيش بنفسك والسبب انى ببساطه معرفش ربع الى ربنا اداهونى من نعم

ازاى اظلم نفسى واحكم عليها انها غبيه وانا معرفش ..وفجاه ديما بفتكر كل الحاجات الى تاكدلى انى غبيه

وانسى كل الحاجات الى بتاكدلى العكس 

طب انا احترم نفسى ازاى S:

ممممم انا اقولك...متعديش تستهزئى بنفسك وبقدراتك

ربنا مخلقكيش واداكى عقل واداكى كل الحاجات الى فيكى وانتى متعرفيش عنها حاجه عشان تعدى تتريقى فالاخر

احترم نفسى بانى اعترف انها تقدر..واسكت الصوت الى جوا ده بقا وبيعد يبعتلى رسايل سلبيه ديما

ويقولى مش هتقدرى ..مش هتعرفى :@ :@

هثبتله هو واى حد تانى انى اقدر ..ومقدرش ليه يعنى ؟؟ ناقصنى ايه 

الموضوع فى نظرى محتاج 3 حاجات

القرار....

الاراده.....

التوكل على الله....

لو جبت دول هعرف اعمل كل حاجه انا عاوزه اعملها...

دلوقتى بقيت اما اشوف اى حد بيتكلم عن نفسه وحش..ويقول معرفش مقدرش مش هقدر :@ :@

ببقى هموت واقوله احترم نفسك :@ :@

بس بخاف اتفهم غلط xD ..بس انا ببتنرفز كده..عشان انا بعانى من نفس الموضوع

فكأنى بقوله وبقول لنفسى ...من الاخر حبى لنفسى من حبى لربنا :)

لأن هو الى اداهانى وسابهالى وديعه ..احافظ عليها واطورها ديما وخليها احسن حاجه

""احترم نفسك...عشان هيا تستاهل انك تحترمها"

دييييييييمما..فكر نفسك بالحلو الى فيها..الى يخليها تقدر تحقق الى انت عاوزها تحققه

حاول ديما تصلح الوحش الى مش عاجبك فيها..بس متنساش تلتمس الاعذار لها اما تغلط..لو مكناش بنغلط كان ربنا بدلنا بناس بتغلط ويستغفروه فيغفرلهم :)

اامن ان جواك كنز انت لسه مكتشفتوش..ومهما اكتشفت صدق ان لسه موجود اكتر مستنيك تكتشفه

وده مش كلامى ربنا الى قال..بسم الله الرحمن الرحيم

   {وَإِن تَعُدُّواْ نِعْمَةَ اللّهِ لاَ تُحْصُوهَا إِنَّ اللّهَ لَغَفُورٌ رَّحِيمٌ }النحل18

--->ومتنساش النيه فكل حاجه بتعملها انك بتعملها عشان ربنا يرضى عنك بسسسس :)

هووووووووووووووب :D

لكل العصبيين ..<الى انا مش منهم خااااالص> :)

الكو ب بداخلك
تخيل معي أن بداخل كل شخص منا كوب فارغ،
فكلما حدث شيء يغضبك
يبدأ هذا الكوب في الامتلاء.
حيث يأخذ الغضب في التراكم والكوب يمتلئ حتى سال على الأرض، التي قد تكون مقعد تركله برجلك..أو صديقك الذي تغلق في وجهه سماعة التليفون
أو كما حدث مديرك الذي تنفجر غاضبا في وجهه!!

والنتيجة خسارة لا تعوض 


ترويض الغضب


خطوات عملية 
من هنا ظهر الاهتمام بأساليب التحكم في الغضب (Anger Management) وإنشاء
مراكز ومستشفيات متخصصة في هذا المجال

وقد تم بالفعل التوصل إلى عدة إستراتيجيات تساعد
على إدارة الغضب و ترويضه بما يتبعه من شعور سلبي وتغيرات فسيولوجية، ومن أهمها:
1-الاسترخاء :
هناك طرق عديدة لتعلم كيفية الاسترخاء بدنياً و ذهنياً وإليك بعضاً منها:

• الاستلقاء على الظهر وإرخاء جميع عضلات الجسم

• البخور الهادئ والروائح العطرة المفضلة سواء كانت (زهور - نباتات - شموع ... إلخ )

• ممارسة تمرينات التنفس ، فيمكنك أخذ نفس عميق جداً من الداخل بحيث يملأ الهواء رئتيك و صدرك كله ، ثم إخراج النفس من فمك ببطء

• الاستحمام بالماء الدافيء وبعض الأملاح المعطرة، والاستلقاء على الأقل لمدة ربع ساعة

• النوم الكافي ليلاً عدد الساعات التي يحتاجها جسمك

• العمل على أخذ راحة خلال فترات العمل المتواصلة و لو خمس دقائق لتقليل الضغط العصبي

• الاستماع إلى القرآن الكريم بصوت قارئك المفضل وأنت مغمض العينين

• ذكر الله كثيراً، قال الله تعالى (ألا بذكر الله تطمئن القلوب).

• التأمل والتفكر في خلق الله ومشاهدة جوانب الجمال في كل شئ و لو ربع ساعة يومياً

• ابتسم كثيرا.

• أغمض عينيك و استعمل خيالك و ارجع بذاكرتك لمكان أو لموقف سبق و جعلك سعيدا

• ممارسة هذه العادات والتمارين يومياً سوف تجعلك تشعر بتحسن كبير


2-التواصل :
• يميل الأشخاص العصبيون عند المناقشة مع الآخرين
إلى القفز إلى النتائج والتوقعات التي غالباً ما تكون خاطئة وغير دقيقة

فعندما تشعر أن المناقشة بينك وبين الآخرين قد احتدت، عليك بتهدئة الجو العام ومراقبة ردود أفعالك جيداً

• عندما يحاول شخص ما انتقادك، فمن الطبيعي أن تكون في
موضع دفاع ولكن لا تبدأ بالهجوم على الطرف الآخر

وبدلاً من ذاك وتلك فالأفضل أن تحاول فهم الشخص الذي تحادثه وسبب انتقاده لك وتعامل معه على هذا الأساس .

• قد تحتاج إلى بعض الراحة خلال المناقشة للتنفس
وإعادة التفكير ولكن لا تجعل أبداً غضبك أو غضب
الطرف الآخر يفقدك أعصابك وقدرتك على التحكم في المناقشة ، ومن بعض الطرق التي يمكن من خلالها إدارة الحوار بدون غضب:

* مشاركة الآخرين في حديثهم و إبداء الاهتمام. الغضب شعور جاد للغاية و لكنه مصحوب ببعض الأفكار والاعتقادات
التي سوف تجعلك تضحك عليها. تخيل مثلا الشخص الذي يغضبك مجسداً أمامك في شكل شخصية كارتونية مومن حياتك، بل من الأفضل استخدام روح الفكاهة لمواجهتها و التعامل معها و تقبل كل شئ بصدر رحب ضحكة فهذه الطريقة تجعلك مرحاً لا تثار بسهولة ولكن احذر شيئين هامين:

أ‌- لا تكن فظا مستفزاًً، تهوى المداعبات القاسية التي تغضب الآخرين منك، و تسخر منهم و تستهزئ بهم.

ب‌- لا تسخر من نفسك .



3- تغيير البيئة:

مع وجود المسئوليات والأعباء الملقاة على عاتقنا، غالباً ما تكون البيئة المحيطة ذات تأثير كبير على انفعالنا. فمثلاً لا تحاول مناقشة شخص في مشكلة ما فور عودته مجهد من العمل، انتظر على الأقل 15 دقيقة قبل التحدث إليه إلا اذا كان أمراً لا يتحمل التأخير، وغير ذلك عليك بالنصائح الآتية:

• محاولة إيجاد البدائل. مثلاً إذا كان الزحام المروري
يجعلك غاضباً و عصبياً يمكنك ركوب مترو الأنفاق أو أي مواصلة أخرى

• إذا كنت تعلم أن هناك شخص أو مكان بعينه

• مواجهة الطرف الآخر بما يضايقك بأسلوب لبق

• ضع حدوداً لكل شخص تتعامل معه لا يتعداها،
و كن و اضحاً في هذا


4-استخدام روح الفكاهة:

علك تغضب و يمكنك تجنبه، فابتعد عنه في الحال.

• فكر في إعطاء نفسك إجازة ترتاح فيها مع عائلتك
وأشخاص تحبهم في الأماكن المفضلة لديك


5- ممارسة الرياضة : 


عليك أن تخصص جزء و لو بسيط جداً من وقتك لممارسة
بعض التمرينات الرياضية مثل السباحة - الجري - تمرينات
الأيروبكس و السويدي، وأهمها المشي فهو يقلل من الضغط العصبي ويساعدك على التفكير المنظم. 

وأخيراً تذكر دائماً أنه لا يمكنك التخلص تماماً من الشعور بالغضب، بل يمكنك فقط التحكم في حدته وتحويل طاقة الغضب السلبية بداخلك إلى سلوك وأفعال ومشاعر إيجابية

واضافه بقا من عندى يعنى :) أول ما تحس انك متنرفز اوى اوى فكر فى اكتر موقف بيضحكك 

وطلع كل عصبيتك فى ضحكه.. :)) 

انا ورايا حاجات ياما اوى محتاجه فيها مجهودى اكتر من العصبيه ^_^

عاوز تتغير؟؟

التغيير::يجب ان نطور ونجدد دائما من انفسنا والا تحجرنا (الفليسوف الالمانى جوته)

المحطات الست للتغيير:-

1_الملاحظه

فتش فى نفسك راقب شريط حياتك...الق نظره على ذاتك

لاحظ سلوكك وافعالك الى ان تقع على السلوك السىء والذى يحتاج للتغيير

ستجد ان هناك شىء انت غير راضى عنه ..او يسبب لك مشكلات دائمه..ضع دائره حول هذا السلوك ثم انتقل للمرحله القادمه

2-القرار

انا لا ازور والدى ووالدتى الحل اذن ان اذهب اليهم حالا

انا ادخن: اذا الحل ببساطه ان اهشم علبه السجائر التى تنام فى جيبى..اخاصم اخى او صديقى ارفع سماعه الهاتف واصلح الخلافات التى بينكما

اذا لاحظت خلل ما فى حياتك وقر فى وجدانك انه خلل يسبب لك المشكلات فالحل الامثل والطبيعى ان تبادر وبلا ابطاء

الى اتخاذ القرار حالى بتعديل الخلل

3-التعلم

اشياء كثيره جدا نود تغييرها ولكن يقف الجهل حائلا دون تحقيق هذا التغيير...والحل الامثل لهذه المشكله هو بذل مزيد من الجهد من اجل التعلم وتثقيف النفس

وفى كثير من الاحيان يكون للمعلومات التى لديك عن شىء ما بالغ الاثر فى التعامل مع هذا الشىء..فمثلا قراءتك عن التدخين واضراره يعد حافزا كى تقلع عنه..كذلك قراءتك عن الصلاه وفضلها وعقوبه المهمل فى ادائها.بالغ الاثر فى لفت نظرك الى اهميه الصاله اضف الى ان العلم والقراءه يتيحون لك معرفه نماذج لديها الشىء الذى تود الحصول اليه فيمكنك مضاهاته

4-الاستيعاب

بعض الناس يلجئون الى التغيير الكاسح ويؤمنون بالهبات القويه..وللاسف الشديد نسبه عودتهم للسلوك القديم تكون اكبر ممن يتغير رويدا رويدا

شخص بدين يقوم بعمل ريجيم قاس فيهبط وزنه بشكل مذهل..ثم يرتد الى سابقه

شخص لا يصلى ثم تراه فجاه يصلى الفروض والسنن يدخل المسجد الاول ويخرج بعد الجميع..ثم بعد فتره تراه لا يصلى الفرض او السنه

لذا فان الخطوات البسيطه الواثقه اهم وافضل من الخطوات الواسعه المفاجئه...بل انه كلما كثرت الخطوات المرحليه..كلما كان استيعابك للتغيير...وجدواه اكبر واعمق..فهذا من شانه ان يوفر برمجه اعمق لعقلك الباطن وينشىء لدينا العاده التى نطمح فيها بدلا من العاده القديمه التى نود تغييرها

5-الممارسه

يقول الكسيس كاريل ::لا يستطيع الرجل تغيير نفسه بدون الم فهو نفسه الرخام وهو نفسه النحات 

العاده التى غيرتها ستعلنعنها نفسها بين وقت واخر فى اختبار عملى على مدى صدقك فى عمليه التغيير..ستجد نفسك تطالبك بسيجاره

وان تهمل اداء صلاتك..وان تستمتع بوجبه شهيه جميله تفسد ريجيمك

العاده الجديده تحتاج الى صبر واصرار من اجل ترسيخها..وتعويد النفس عليها

6-الاستمراريه

المواظبه على فعل السلوك الجديد امر بالغ الاهميه..فى اى مرحله من المراحل السابقه المواظبه والاستمراريه مكون اصيل

وجزء لا يتجزا منه..احذر ان تناديك نفسك بالتوقف واهمال الاستمراريه فى هدفك

محطات فى رحله التغيير:-

نصائح يجب الانتباه اليها لكل من يطمح فى التغيير 

**حفز نفسك دائما.ايقظها من الخمول..وداعب فيها نقاط القوه والطموح اخبرها ان التغيير هو نقطه هامه فى سبيل تحقيق النجاح والسلام الداخلى

وذكرها بقول برنارد شو(التقدم مستحيل بدون تغيير واولئك الذين لا يستطيعون تغيير عقولهم لا يستطيعون تغيير اى شىء)

**اعرف نقاط قوتك واماكن ضعفك..المرء الذى يعرف نفسه جيدا هو اقدر الناس على طرق باب النجاح..حدد ما هى قدراتك..وركز على الاشياء التى تحتاج الى تنميه وتغيير

**يقول جيمس جوردن(الامر ليس ان بعض الناس يملكون الاراده واخرون لا يملكونها...بل ان البعض مستعد للتغيير والاخرون لا)

يجب ان تكون لديك رغبه قويه شديده وقناعه راسخه بالتغيير..يجب ان تتمتع بالثقه فى النفس تدفعك للتعبير عن ابداعك فى مقابل عجزك وخوفك من الفشل

**انت اكرم خلق الله والمخلوق الوحيد القادر على تحقيق اهدافه فى هذه الحياه..الوحيد الذى وهبك الله سبحانه وتعالى القدره على الارتقاء وتحسين مستواك سواء(الروحانى او الاجتماعى او الفكرى او المادى)

يجب ان تستعمل هذه النعمه الاهيه فى تغييرنفسك الى الافضل ..الى الاحسن ..وترتقى الى مراتب المتميزين :)

-->من كتاب سيطر على حياتك<--

مودى مين؟؟

"انا مودى زفت انهارده"

كلمه بسمعها اكتر ما بسمع صباح الخير..وبسمعها من نفسى اصلا :(

ونعد بقا نقول اصل حصل كذا كذا كذا..وانهارده صحيت لقيت كذا

هقول لسيتك على حاجه رفيعه بس كده يعنى..<<سيتك اللى بتقرر مودك>>>

ماشى؟؟؟

يعنى متقولش انا مودى وحش...مودى مين؟؟؟

مفيش حاجه اسمها مودى وحش..ايه الى وحشه يعنى

بس ميغركش انى بقول كده..انا والله بيحصلى كده ياما جدا

بس بقا قومت قوفت كدهون وقولت لأاااااااااااااااااااا

وروحت اعدت تانى D: وقولت لازم اشوفلى حل فى الموضوع ده

وكمان انا موديه جدا..يعنى مودى بيأثر على كل حاجه

فبقا مش يومين تلاته اتقفل من موقف ولا خبر سمعته فحياتى كلها تبوظ احنا فاضيين؟؟؟

ازاى بقا تغير مودك يا معلم؟؟ انا هقولك

اولا متربطش مودك او مزاجك يعنى بحاجه معينه..يعنى فى ناس اما تدايق ممكن تاكل شوكلاته مثلا..اى نعم الشوكلاته اصلا من الاكلات الى بتحسن المزاج..بس مش هبقى متضايق ولما ملاقيش شوكلاته اتضايق اكتر وعلى ايه يعنى الهم ده :@

بس فى حاجات تانيه ممكن تغير مزاجك..مثلا العب رياضه

قوم اجرى بقا ارقص اتشقلط اعمل اى حاجه تفصلك عن المود الوحش

ثانيا شوف اى برنامج دينى او روحانى..لو بدأت يومك بانك تسمع حاجه دينيه او تنميه بشريه او حاجه فيها طاقه

هيأثر ايجابيا بطريقه احسن بكتير من الجرايد الى بيبقى فيها اخبار وحشه ياما وبنبدا بيها يومنا

ثالثا بقا ودى مهمه جدا على فكره

فى قاعده مهمه جدا وممكن تغير مودك فى وقت بسيط جدا

If you change how you move and use your body your mood will change

يعنى ايه بقا الكلام ده؟؟؟

انت عاوز مودك او مزاجك يبقى عامل ازاى؟؟ عاوز تبقى فرحان اتحرك واتصرف على انك فرحان

اول حاجه تعملها ابتسم :) خليك كده حوالى دقيقه :) 

عاوز تبقى واثق فى نفسك مثلا

قوم وامشى ماشيه واثقه كده ارفع راسك وامشى كانك فى عرض ازياء ^^

واحسن طريقه لتغيير المود.انك تجمع ده كله

يعنى قوم وامشى ماشيه واثقه  كده وابتسم افرد وشك كده وريلكس جدا كانك ستاار وبتتصور

متستهترش بالحاجات دى عشان دى بجد ليها تاثير 

وديما افتكر انت الى بتقرر مودك

رابعا بقا :-

قدددر..اشكر كل حاجه حواليك..ونت متضايق اعد بص للحاجات الى حواليك كده واشكرها بجد اشكرها

يعنى لو هتكلم عن نفسى

-انا عايشه احسن عيشه الحمد لله

-شكرا يارب على اكلى

-شكرا على صحتى

-شكرا على كمبيوترى D:

-شكرا عل اهلى احسن اهل فى الدنيا

-شكرا على احلى اصحاب 

-شكرا على المدونه :).المكان الى بقدر اكتب فيه كل حاجه

- شكرا على اللى بيقرا دلوقتى 

**الحاجه الحلوه اوى بقا فى موضوع الشكر ده

انك بمجرد ما بتحس بالشكر ناحيه حاجه معينه..بتلاقى نفسك عاوز تتنطط من كتر الفرحه

بص حواليك ..بص للاكل واحمد ربنا..بص لكل حاجه

وبعد كده انقل شكرك لبره..بص من الشباك على المنظر الى بره والناس الى ماشيه والى بتلعب واضحك :)

وديما اسال نفسك..ايه الى انسان ايجابى ومبسوط ممكن يعمله دلوقتى؟؟؟

واعمل كده وهتحس انك فرحان وايجابى

اعرف انك مش مشاعرك ومش احاسيسك..هما مش حد له سلطه عليك وانت لازم تستجيبلهم

انت الى ليك السلطه عليهم..

اعمل كده دلوقتى

--->معظم المعلومات متاخده من مواقع تانيه وانا كاتبها باسلوبى 

انا مش سلبيه :)

هااحم...زى ما ميريام فارس اعدت اغنيه كامله واجعه دماغنا وعماله تقولنا انا مش انانيه :@ :@

انا هفضل طول النوت دى اقول انا مش سلبيه :)

عشان انا مش سلبيه بقا مليش دعوه :(

عشان الشيطان بيعد يدينى افكار وحشه ويعد يقولى انتى سلبيه سلبيه

لييييه بقا بيقولى كده؟؟؟

عشان انا بعد اقول انا هعمل كذا وكذا وكذا واتحمس اوى واخد شويه خطوات واطلع اطلع اطلع وانزل على مفيش :((

بس والله مهو عشان بتيجى حاجات تشغلنى...حاجات يمكن متكونش اهم

مهو انا مش هعد ادى لنفسى اعذار وهميه...

بيقولوا ان الايجابيه:: هى اتخاذ الوضع الافضل فى الحاله الاسوأ :S

يعنى ان انا اقرر انى اعمل افضل حاجه انا اقدر اعملها..حتى فى اسوا المواقف

اما السلبيه بقا..فدى اجارنا الله انى اتصرف فكل حاجه تحت شعار وانا مالى 

حتى فى الحجات السياسيه..مفيش حجه اسمها انا مالى..لازم اعرف ويكون ليا رأى..هيا دى مش بلدك

السلبيه هيا اللامبالاه..ان ممكن يكون عندى راى بس معملش بيه...ابص للحل الاسهل حتى لو مش هو الحل الاحسن

والسلبى مش لازم يكون سلبى فى كل نواحى الحياه

فى جوانب من الحياه ناس ياما اوى سلبيين فيها

يعنى مااااااااااثلا فى واحد سلبى اجتماعيا 

انه ميكونش راضى عن علاقته باهله واصحابه والى حواليه

بس مبيعملش حاجه..مش بيدور على الاسباب ويغيرها ومبيحاولش يواجه ويغير..مش متخيل اد ايه حياته هتتغير لو 

طور نفسه فى الناحيه دى

السلبى الى بيكون فى حاجه فى حياته مش راضى عنها..بس مبيعملش حاجه عشان يغيرها

احم انا طلعت سلبيه :$ :$

لا برده لاااااا بقا :@ انا مش سلبيه

السلبيه انى ابقى عارف انى سلبى بس مش بحاول اغيرها :@

ماشى هقول انى سلبيه بنسبه ممممممم 20% :$ :$

احم 30% :-S

يووووووووووووه بقا 40% :((

مااااشى بس مش هبقى سلبيه بعد انهارده ..الحاجات الى مش راضيه عنها هغيرها يعنى هغيرها

طب ادينى عرفت واعترفت انى سلبيه..ايه الحل بقا :(

اولا:: فى دعاء حلو اوى الرسول عليه الصلاه والسلام كان بيقوله ديما

"اللَّهُمَّ إِنِّي أَعُوذُ بِكَ مِنْ الْهَمِّ وَالْحَزَنِ وَالْعَجْزِ وَالْكَسَلِ وَالْبُخْلِ وَالْجُبْنِ وَضَلَعِ الدَّيْنِ وَغَلَبَةِ الرِّجَالِ"[ البخاري، أنس ]، وقد قال النبي – صلى الله عليه وسلم

هقوله كل يوم الصبح باذن الله "

ثانيا:: مش هدى لنفسى الفرصه انها تكسلنى يعنى اما تيجى معاد الصلاه مش هدى لنفسى الفرصه انى اقول طب استنى شويه

انا هدى السياده لعقلى وهقوم واتحرك من غير حتى ما افكر..وهقول لنفسى هووو كده

ثالثا::الاقتحااااااام  D:

اقتحم يا معلم..كل المجالات كل حاجه فى الدنيا 

هعييييييش من قلبى ..يعنى مش هخاف من حاجه هاقتحم مش هخاف اغنى قدام حد لا يقول عليا صوتى وحش P:

هعيشها من قلبى ..اصلها هيا حياه وحده بس...والله اعلم هتخلص امتى :)

يبقى هعيشها بقا..هيحصل ايه يعنى 

اعلمي أن المنكرات لم يتسع نطاقها إلا حينما كممت أنا وإياك أفواهنا عن الحق, وخجلنا من المواجهة, وتخوفنا من النصح..

دى اخر حاجه هقولها :) <3

فرانكو =)) روشنه الجيل

فضلت ساكته ساكته ساكته


بس مش ابقى انا كمان الى اتهاجم
بتكلم عن ايه انا؟؟؟..عن الفرانكو


الفرانكو:::::


بص يا سيدى
الفرانكو ده هو روشنه الجيل يعنى ايه روشنه الجييل؟؟؟
يعنى دى الموضه الايام دى
والناس تستغرب عليك لو انت بتفهم انجلش ويعنى بقا روش وكده ومش بتكتب فرانكو


طبعا اى حد هيبتدى يقرا الموضوع ده..هيقول ايييييون تخلف بقا وكلام خنيق ملوش لازمه 


معنديش ااااااااااى مانع انى اكون فى نظر حضرتك متخلف


ببساطه لان كتابه الفرانكو ده قمممممه التخلف الى فى الدنيا


مبدايا الى بيكتب فرانكو ومتروشن ده
انت بتكتب فرانكو ليه؟؟؟


شويه هيعدوا يقولوا اصل الكيبورد مفيهوش عربى..مممممممممم وماله حجه مش بطاله


والتنيين بقا هيقولوا اصلنا فى مدارس لغات ومش بنعرف نكتب عربى...:o وبتقولوها عادى كده دى كااااااااااارثه


يعنى ايه ابقى انا مفتخر انى مش بعرف اكتب عربى..ازاى يعننننى


حضرتك عايش معانا هنا ..يبقى تحترم لغتنا


وناس بقا لذيذه اوى...اما تيجى تسالهم يقولولك "عادى يعنى" ملناس كلها كده


قول والله؟؟؟ الناس كلها كده


وفرحان بقا انك زى الناس....المفروض ننكسف من الخيبه الى بقينا فيها سورى يعنى


احنا ربنا ادانا اعظم لغه فى الدنيا...نزل بيها كلامه الى هو اعظم كلام فى الدنيا


ممممممممممم نيجى للنقطه بقا الى بجد ترفع الضغط :@ :@


تسال وحده وتقولها عامله ايه.؟؟
تروح قايله el7 او el7l


بالعربى----الحمد لله


طيب يعنى خلاااااااااااااص احنا بقينا مكسلين نحمد ربنا


خلاص وصلت بينا العبط اننا نختصر كل الكلااااااااااام


ناقص ايه تانى يعنى؟؟؟


واما تيجى وحده تقولى


ashofek bkra isa 
الى هيا اشوفك بكره ان شاء الله


طب يعنى منتى كتبتى الجمله كلها كلمه ان شاء الله دى الى هتوجع صوابعك


بجد لغه مش منطقيه ....وملهاش اى مدلول ثقافى عند الشخصيه الى بتستخدمها


اه نسيت حجه برده مكنش ينفع ابدا انساها يعنى


بيقولوا انها اسرع من العربى =))


بناءا على ايه يعنى


لا طببببببببببعا مش اسرع لان دى بداخلها ارقام العربى كله فى منطقه وحده


بجد لازم نبتدى دلوقتى نقاطع اللغه دى


لان معتدقش ان هيجى يوم على الامريكان ونلاقيهم بيكتبوا
هالو يعنى


ولا ايه؟؟؟
اه بس كلمه صغيره 


ثيودور هرتزل

ده مؤسس الصهيونيه المعاصره -مخطط اسرائيل الكبرى-.. ده عمل المستحيل فعلاااا المستحيل

عشان يعمل حاجه اسمها اسرائيل ..وكل ده فى 7 سنين 

طبعا مش مجال حديثنا دلوقتى

المهم من ضمن الوسائل عشان يجمع اليهود من تانى ..


من اهم الحاجات الى بتميزنى عن غيرى


لغتى..انا عربيه وبحمد ربنا انه خلانى لغتى ااصليه هيا اعظم لغه 


بتكتب فرانكو؟؟؟ راجع نفسك

اها مش هنهدم ثقافتنا ونمحى لغتنا بايدينا

لغه الضاض لغتنا ..هنكتب بيها وهنعظمها


اتعلم اد ما تقدر من اللغات ...بس متنساش ابدا هويتك..لغتك 


على فكره لغتك دى مسئوليه


هتبقى مصيبه كبيره اوى لو ضيعناها من ايدينا


متوقفش الموضوع عندك :) 

مين جاى معايا وانا بغير الواقع :))

قالك بقا مفيش حاجه اسمها واقع =))
اومال احنا يعنى ايه اللى مبهدلنا كده

هو فى غير الواقع..بس مهو هو قال كده انا مالى


ممممممممم مين ده :)


هو فى غيره دكتور ابراهيم الفقى اللى مجننى ومطيش النوم من عينى ده


هو قال مفيش حاجه اسمها واقع فى حاجه اسمها ادراكنا للواقع..بس الكلمه دى حلوه اوى بقاااااا


يعنى فعلا انا ادراكى للواقع مش كويس خااالص


انا اصلا بطبيعتى مش واقعيه خااااااالص...يعنى خيايليه جدا حتى فى قراراتى :(


بس دى بقا والله بقا مش حاجه وحشه بقا :@ :@


هو بس المشكله كلها انى مش بفكر بواقعيه واما اجى بقا اخبط فى حيطه الواقع وراسى توجعنى مبفوقش غير بعدها بياما


عشان انا ادراكى للواقع مش حلو..فبحاول ديما اهرب منه بقرارات غريبه بقا


بس لو انا قدرت اغير ادراكى للواقع اكيد حياتى هتبقى احلى بكتير اوى..طب والله انا جربتها


يعنى من كام يوم قررت كدهون انى مش هزعل خااااالص هستقبل كل حاجه بابتسامه :D


وان شاء الله كله هيبقى كويس..جيت اعد على النت وبقول ياهااااادى وبفتح الايميل اذ فجاتا لقيت خناقات السنين وناس عجيبه بتقولى كلام غريب


بس والله بقا قابلت كل المشاكل حلو ..وفعلا كله اتحل اى نعم انا صبرت كتير بس انتهت حلو


يعنى تلاقى واحده كاتبه ايه "احب اقولكو كلمه وحده بس تعبر عن اللى جوايا :جتكو القرف " :D :D


طبعا لو انا فى العادى كان زمانى اتنرفزت هيا فاكره نفسها مين وبتاع وشغل عيال ..قومت عملت اييييه


دخلت اعدت اهزر معاها اى نعم لازم اتقفل فى الاول وكده  بس والله فى الاخر بتحس انك طلعتها من المود وبتحس احساس حلو اوى


برده نرجع لموضوع ادراكى للواقع..يعنى برده انا متخيله انى من غير نت مش هقدر اعيش .هيا دى احتمال تكون حقيقه


بس مع ان انا النت انقطع لمده اسبوعين تقريبا وكنت عايشه عادى يعنى...انا محتاجه املا فراغى بس


ومحتاجه استقبل كل حاجه بحب وبابتسامه :)..وكله بعد كده باذن الله هيبقى كويس


واكون مرنه بقا...كونى مرنه بقا يا منى بقا :@ :@..انا بجد مكنتش مرنه خالص
"هقول مكنتش على اعتبار انى دلوقتى مرنه عشان اصدق :D "


يعنى عندى يا يمييييييين يا شماااااااااااااال...مفيش وس ابدا :@ :@...برده برده برده ده من ضمن الحاجات اللى هتتمحى من حياتى


بس انا عاوزه اعمل الحاجات دى عملى يعنى مش هفضل كل شوبه اقول هعمل وهعمل ومعملش


انا هغير الواقع انهارده..اصله لازم يتغير...يعنى لو لقيت حد جاى اعد يشتمنى


هقنع نفسى انه متنرفز ومش عارف هو بيكلم مين :))..منه مش هخلى كلامه ياثر عليا وفنفس الوقت هريحه بانه يطلع الشحنه اللى جواه فيا




مش هعد اخلى الشيطان يعد يسالنى انتى ليه بتختارى الاختيار الصعب


ببساطه لانى اخترت ده..اخترت ابقى عنيده وقويه قدام كل حاجه صعبه فى الدنيا..اخترت احقق واحقق واحقق


لو فشلت هقول انا حققت فشل...عادى يعنى فيها ايه لو فشلت

في اليوم الذي لا تواجه فيه أية متاعب، ثق تماماً بأنك تمشي بالطريق الخطأ.

لازم كل يوم اقابل واقابل واتعلم




وافشل واغلط واقوم والعب ..د ى الحياه اللى عاوزاها 

انا بحب نفسى اللى ربنا اداهانى هديه من عنده :) الحمد لله 




اشوفك على خير يا مدونتى 

مدير اداره حياتى :D

-خليكى نايمه للعصر فيها ايه يعنى...انتى فى اجازه

-لا قومى دلوقتى الحقى اليوم من اوله...انتى عارفه ان العقل الباطن واعى اكتر فى الصبح بدرى

-مش هتحسى بالاجازه غير لما تسهرى وتخرجى وتعيشى ومتعمليش حساب لا لوقت ولا لحد

-الاجازه هتبقى اجازه لما تعرفى تستفيدى بكل لحظه فيها...اتعلمى كل حاجه واخرجى وافرحى وعيشى

-قورصات ايه وهبل ايه...الدراسه جايه  بحفظها وقرفها

-اللى انتى بتذاكريه ده لنفسك مش عشان مجموع ولا حاجه عشانك انتى تبقى احسن...

-لازن تقربى لربنا ...كترى من الصلاه خليكى ديما مع ربنا

-يووووووووووه هتندمى لو سمعتى كلامه

-لا هتنولى كل اللى بتحلمى بيه لو سمعتى كلامى..انتى عارفه كويس انك اتخلقتى عشان متكونيش زيك زى غيرك

بس بقا اسكتوووووووووووووووووووووا :@ :@

دى خناقه بتحصل كل يوم جوايا...ما بين اتنين معرفش هما مين :S

عمالين بيتخانقوا من ساعه ما قررت انى ابقى غير

واحد ديما عاوزنى مش بعمل اى حاجه مفيده ليا ولا لغيرى...وواحد عاوزنى ابقى احسن حاجه انا ممكن اكونها

المشكله انى مش بعمل اى حاجه غير انى اسلك ما بينهم :(

وقتى بيضييييييييييع وحياتى كمان وانا بسلك ما بينهم

بس ده مش هيحصل اكتر من كده...ايييييون انا دلوقتى عرفت يعنى ايه انا مديره حياتى

يعنى انا اللى اعرف انا وقتى هيروح فى ايه

انا اللى اعرف انا هعمل ايه ومش هعمل ايه

انا اللى اعرف انا هصاحب مين ومصاحبش مين

ولازم احترف اداره حياتى

"لصوص الوقت

1/المماطله والتاجيل

2/الخلط بين اهميه الامور وعدم تحديد الاولويات

3/عدم التركيز على الامر الذى تقوم بعمله

4/عدم القدره على قول لا للملهيات

5/المقاطعات المفاجئه

6/المجهود المكرر

7/التخطيط الغير واقعى

8/عدم النظام"

ده من كتاب سيطر على حياتك لدكتور ابراهيم الفقى

انا مش عاوزه اقول ان كل الحاجات دى انا بعملها :((

بس انا بجد بقا هبدا انى انظم وقتى وهعمل كل اللى اقدر عليه عشان اعرف انظم وقتى ..واهم سبيل لده انى اخطط والتزم بتخطيطى

لانى لما بعد ااجل بقا وملتزمش عمو الاحمر ده بيعد يتخانق مع عمو الازرق وانا مش بعرف اسلك ما بينهم

"انت افضل مخلوق خلقه اللله عز وجل

فلو كان اى انسان فى الدنيا حقق اى شىء..يمكنك انت اضا ان تحققه بل وتتفوق عليه باذن الله

وتذكر دائما..الليل هو بدايه النهار..والشتاء هو بدايه الصيف >يا منى<"

اه هو كان كاتب فى الكتاب يا منى

هههههههههههه اصلى والله بحس انه بيكلمنى يعنى هيا دى اللى ناقصه انه يقولى يا منى

فانا بروح كاتباها لنفسى عشان مزعلش :D

يااااااااااااااااااارب اقدر انى احافظ على وقتى...وانجز اللى عاوزه انجزهع فى حياتى

امين يارب :)

http://www.youtube.com/watch?v=UuMINgyZgrE&feature=relate

الحلقه دى بجد رهيبه :o

اشوفك على خير يا مدونتى :* :*

SO U THINK U CAN CHANGE :D

ايـــــــــــــــــــــه دنيا :)

الواحد ساعات كده بيحس انه عايش حياته علشان الانتحار حرام

انا كنت بقول الكلمه دى كتير على فكره

بس ده بقا علشان احنا مش مقدرين قيمه نفسنا حضرتك :@


يعنى احنا حتى مش عارفين احنا ربنا حط فينا ايه؟؟


طب انت عارف ان مخ سيتك ممكن يولد طاقه كهربيه تنور مديـــــــــــــــنه لمده اسبوع :O


انا اول ما سمعت المعلومه دى


كان رد فعلى
-عه؟؟؟ مين؟؟؟ لالالالا النمره غلط حضرتك....مخ مين اللى بيول...ياراجل امشى من هنا بلا كلام فارغ D:




بس من قريب..قريت فى الموضوع ده..ولقيته موضوع شيق جدا


ولقيته بقا بيقولك اييييييه


ان فى <ديترويت> فى الولايات المتحده..تمت تجربه اول سياااااااااااره تسير بالطاقه الكهرومغناطيسيه للمخ وحده


=)) ياااااااااااااه دول العلماء دول دمهم خفيف بطريقه ديما يحبوا يضحكوا معانا كده D:


بس ده بقا معلش يعنى مش بغلط فى حضرتك...بس ده بجد


اييييييييون مخ سعتك...ممكن يولد طاقه تحرك عربيه

• يذكر ان هناك سبع شكرات "هالات" حول جسم الانسان, هل هذا حقيقى؟

فعلا,  الهاله عبارة عن فكرة تتحول الى احساس يصدر من " منطقة الطاقة" المعنية و لها نوع معين من الاشعاع يخصها ثم تظهر حول جسم الشخص, يبدا من  عند المنطقة الجزرية هى الهاله  الاقرب لجسم الانسان و يكون لونه احمر ثم البرتقالى ثم الاصفر ثم الاخضر ثم الازرق الفاتح و الغامق ثم البنفسجى و كلما اصبح الشخص متدين او روحانى تصبح هالته الروحانية  بيضاء او ذهبى.

• لكننا لم نراها ابدا؟

المدربون على رؤيتها يرونها طول الوقت دون عناء, كما أن  كل الناس عندها القدرة على رؤية الهالة فهناك بعض التدريبات من خلالها يستطيع الانسان رؤية الهالات. لكن لابد و ان يتوقفوا عن الشك و يفكروا بشكل منطقى. فهناك مئات الالاف فى العالم تدربوا فعليا على رؤيتها. و ان شاء الله فى خلال عدة سنوات سوف تنتشر بين الملاين. لكنى اود ان اقول لمن يذهبون ليتدربوا على رؤية الهالة انك لن ترها اذا كان لديك غرض غير الارتقاء بنفسك.

• بعض الناس يشكون فى ذلك؟

يرد ضاحكا, أعلم و استطيع ان اثبت علميا على وجود الهالات., اذا شعر الانسان بالغضب فلون وجهه يصبح احمر و هذا بسبب الاشعاع و الى لا نرها لانها ستكون تحت الجلد. كما ان هناك كاميرات خاصة لتصوير الهالات و سوف ترها بعينك المجردة.

ده يا سيدى حوار مع د/ابراهيم الفقى


شوفت بقا يا سيدى..الحياه دى طلعت مليانه حاجات غريبه اوى


ولو فكرنا فيها هنلاقها مليانه حاجات غريبه ومذهله مستنيانا نكتشفها


قال واحنا عاوزين نموت ومنستمتعش بيها


وكمان بنقول "انا مش عارف اتغير" احم سورى يا تامر والله ما قصدى حاجه D:


بس مين ده اللى ميقدرش يتغير..


ده اذا كنت قادر انك تغير كل حاجه من حواليك
تبقى مش هتقدر تتغير ازاى يعنى??


هاه بقا...لسه هتقول انا مش قادر ..ومش عارف ..وتعبت...وانا مستحقش :@ :@

مفيش حاجه اسمها مقدرش دى...الكلمه دى عيــــــــــــــــــــــب


عيب على اى انسان وبالذات يعنى لو كان مسلم


فغير خلفيه الموبايل الكئيبه دى
وصوره بروفايل الفيس بوك المحبطه دى :@


ونغمه الموبايل بتاعت اغنيه "انا مش عارف اتغير" دى
وخليها حاجات تدفع كل اللى يشوفها للاحسن


العمر ما فيهوش وقت نعد نقول فيه احنا فاشلين ومش هنقدر نعمل حاجه


ربنا لو كان شايف انك ملكش لازمه
كان زمانك تحت التراب حضرتك D :
سورى انفعلت شويتين..بس اصلى بزعق لنفسى يعنى D:


ده اذا كان كلمه IMPOSSIBLE  لو ركزت فيها هتلاقيها I'M POSSIBLE  

YUP I CAN :D

ربى اوزعنى ان اشكر نعمتك التى انعمت على وعلى والدى وان اعمل صالحا ترضاه

واصلح لى فى ذريتى انى تبت اليك وانى من المسلمين

ااااااااااااااامين