انتقالى من بنت فى اعدادى...اكبر حاجه بتحلم بيها انها تجيب مجموع حلو فى الاعداديه لان ده هيخليها مميزه وشاطره والكلام الفاضى ده
لبنت فى ثانوى لقت نفسها فجاه محطوط قدامها مسئوليه اختيار مستقبلها
خلانى بجد اقف...وافكر
وابتديت اسال نفسى سؤال...انا نفسى اكون مين؟
حاجه متتوصفش الاحساس اللى بحسه لمجرد انى بفكر انى بحدد مستقبلى..فى اللحظه اللى انا بقول فيها
مثلا انا هدخل علمى...وعلمى رياضه
..
يعنى انا حكمت على نفسى انى خلااااااص ..لازم اجتهد اوى اوى اوى عشان اوصل لحاجه معينه
والحاجه دى انى باذن الله ابقى مهندسه
بس فتره اول ما دخلت اولى ثانوى ..
كانت اصعب من اللى ناس كتير متخيلاه
لان فجاه بلاقى نفسى فى حته جديده بيتعاملوا معايا بطريقه جديده...ومطلوب منى مطالب جديده جدا
وكانت اصعب مشكله ...ان من كتر البنات بالذات ما بيتحولوا وبيختاروا اختيارات اغلبها بتكون غلط
بلاقى نفسى قدام اختيارين...١/ياما انى ابقى بيس اوى وابقى<عاادى> وبعمل اى حاجه عاااااااادى
٢/او انى ابقى ملتزمه اوى وابعد عن كل اللى حواليا لانى عارفه انهم هيرجعونى ورا
فى اول السنه ده كان كل تفكيرى..ان انا هيحصلى حاجه من الاتنين دول..بس بعد شويه لقيت ان الرهبه دى قلت
وانى فعلا ممكن اعيش حياه طبيعيه مع صحابى ولا ابقى معقده اوى..ولا ابقى بيس اوى
ابقى عادى بس بحدود..لان الاختيارين مش مريحين ومش هقدر اكمل فى الاول لانى متعودتش عليه
وفى نفس الوقت هزهق من التانى...بس اولى ثانوى دى..على اد مهى كانت اول ويتهيالى باذن الله اخر سنه
احس فيها بالفشل فى الدراسه..لانى كنت مشغوله بانى اتحكم فى حياتى عشان متضعش منى
على اد مهى كانت سنه مليانه اوى بالاحداث..اتغيرت فيها ياما..والحمد لله للاغلب للاحسن
غلطت فيها غلطات يمكن محدش يعرف عنها حاجه..والمفاجاه بقا انى مش ندمانه..لا عادى
لانى الحمد لله عارفه انى غلطت بمزاجى..وفى نفس الوقت وقفت الغلط بمزاجى وباختيارى
ولقيت ربنا فاتحلى بابه...وقررت بقا انى اعد فى اوضه التحكم بتاعت حياتى..ووجهها للاتجاه اللى انا بس الى مختاراه ومرتحاله
انا عاوزه اعيش حياتى زى منا عاوزه
عاوزه اكتب قصه حياتى ...زى منا حابه..مفيش اى حد فى الدنيا دى له دخل فيها
انا بس اللى اقرر مين اللى هيدخل فى حياتى ومين اللى هيطلع..مين اللى اسمه هيكون موجود فى صفحات مذكراتى ومين مش هيكون له وجود
ايوه..ربنا خلقنا فى الدنيا دى ومعانا مسئوليه كبيره..اننا نصنع حياتنا..ومستقبلنا
انا عاوزه ...انجح...اتميز...انبسط..ابقى مع صحابى وعيلتى والناس اللى بحبهم<3
وكللللللل ده وانا قريبه من ربنا حبيبى...لانه هو اللى خلانى اعرف كل اللى انا بقوله ده..واللى عمره ما جه فى بالى قبل كده
هحاول لحد اخر نفس..انى ابقى قد المسئوليه دى..وانى اخد قلبى فى المكان الصح..واوجه جهودى فى الناحيه الصح
يارب قدرنى وخليك معايا
امين يارب ...:)
اعاهدك يارب..انى بعونك وبمشيئتك هاخد مسئوليه نفسى
وهعيش حياتى ..بحب وبامل
هبعد كل المؤثرات السلبيه
وحبك ديما فى قلبى ..بيزيد كل ما اشوف مساعدتك ليا فى كل حاجه
٣> ٣> ٣>
